ગાંધીધામના ખારીરોહરમાં દેશી દારૂ બનાવવાના અડ્ડા પર પોલીસની રેડ, ૧૨૦૦ લીટર આથો ઝડપાયો
ગેઇલ ઇન્ડિયા કંપની પાછળ બાવળની ઝાડીમાં ચાલતું દેશી દારૂ બનાવવાનું કારખાનું ઝડપાયું : ૩૦ હજારનો મુદ્દામાલ કબજે કરી સલીમ સોઢા સામે કાર્યવાહી
ગાંધીધામ “બી” ડિવિઝન પોલીસ દ્વારા ખારીરોહર વિસ્તારમાં દેશી દારૂ બનાવવાના અડ્ડા પર દરોડો પાડી ૧૨૦૦ લીટર દેશી દારૂ બનાવવાનો આથો, કિંમત રૂ.૩૦,૦૦૦નો મુદ્દામાલ ઝડપી પાડવામાં આવ્યો હતો. પોલીસને મળેલી બાતમીના આધારે ગેઇલ ઇન્ડિયા કંપનીની પાછળ બાવળની ઝાડીમાં દરોડો
પાડવામાં આવ્યો હતો. આ મામલે ખારીરોહર ખાતે રહેતા સલીમ મામદ સોઢા (ઉ.વ.૨૬) સામે પ્રોહિબિશન કલમ ૬૫(એફ) મુજબ ગુનો નોંધી કાયદેસરની કાર્યવાહી હાથ ધરવામાં આવી છે. આ કામગીરી પોલીસ મહાનિરીક્ષક ચિરાગ કોરડીયા, પૂર્વ કચ્છ
પોલીસ અધિક્ષક સાગર બાગમાર, નાયબ પોલીસ અધિક્ષક મુકેશ ચૌધરીના માર્ગદર્શન હેઠળ પોલીસ ઇન્સ્પેક્ટર જે.એમ. વાળા, પી.એસ.આઈ. એલ.એન. વાઢીયા તથા સર્વેલન્સ સ્ટાફના કર્મચારીઓ દ્વારા કરવામાં આવી હતી.

Comments