Trending News
સ્થાનિક સમાચાર

મુખ્યમંત્રીએ મુંબઈ ખાતે વાઈબ્રન્ટ ગુજરાત સમિટ ૨૦૨૭ ને અનુલક્ષીને ઉદ્યોગ જગતના વિવિધ   ઉદ્યોગપતિઓ સાથે વન ટુ વન બેઠક કરી

03 September



મુંબઈ - કચ્છઉદય : મુખ્યમંત્રી ભુપેન્દ્રભાઈ પટેલે મુંબઈ ખાતે વાઈબ્રન્ટ ગુજરાત સમિટ ૨૦૨૭ને અનુલક્ષીને ઉદ્યોગ જગતના વિવિધ ઉદ્યોગપતિઓ સાથે વન ટુ વન બેઠક કરી હતી.મુખ્યમંત્રી સૌને વાઈબ્રન્ટ ગુજરાત સમિટ ૨૦૨૭ માં ભાગીદાર બનવા આહવાન કર્યું હતું.
મહિન્દ્રા ગ્રુપના ઉદ્યોગપતિશ્રી આનંદ મહિન્દ્રાએ પોતાના અનુભવ શેર કરતા જણાવ્યું કે, ગુજરાતમાં રોકાણ અંગે પ્રથમવાર આ જ રૂમમાં તે સમયના ગુજરાતના મુખ્યમંત્રી નરેન્દ્રભાઈ મોદી સાથે મિટિંગ થઈ હતી, ત્યારે તેમની દુરંદેશી જોઈને હું પ્રભાવિત થયો હતો. આજે મુખ્યમંત્રીી ભુપેન્દ્રભાઈ પટેલ સાથે ચર્ચા કરી ખૂબ જ ખુશી અનુભવું છું અને ગુજરાતમાં રોકાણ અંગે ભવિષ્યના પ્લાન અંગે આત્મીય સંવાદ કર્યો હતો. જેમાં ગુજરાતમાં ઈફ (ઇલેક્ટ્રિક વાહનો) અને ગિફટ સિટી ક્ષેત્રે તકોની શોધ કરવા અંગે મહિન્દ્રા ગ્રુપ સાથે ફળદાયી ચર્ચાઓ કરવામાં આવી. રોકાણ, સહયોગ અને વિકાસ માટેના નવા માર્ગો તપાસવામાં આવ્યા, જેનાથી અગ્રણી રોકાણ સ્થળ તરીકે ગુજરાતનું સ્થાન વધુ મજબૂત બન્યું છે.
સ્વાન કોર્પોરેશનના એમડી નિખિલ મર્ચન્ટે ગુજરાતમાં પોતાની કામગીરીના વિસ્તરણ અને આધુનિકીકરણની યોજનાઓ અંગે ’સ્વાન એનર્જી’ સાથે ફળદાયી ચર્ચાઓ થઈ હોવાનું જણાવ્યું હતું. વધુમાં તેમણે કહ્યું કે, મુખ્યમંત્રી સાથે કંપનીના વિકસતા જતા આંતરરાષ્ટ્રીય વ્યવસાયને ટેકો આપવા માટે બહેતર કનેક્ટિવિટી અને નજીકના એરપોર્ટ ઈન્ફ્રાસ્ટ્રક્ચરની જરૂરિયાત અંગે પણ ચર્ચા કરવામાં આવી. ગુજરાતની શિપિંગ પોલિસી ખૂબ જ સરાહનીય છે. ગુજરાત ઉદ્યોગ આધારિત વિકાસ અને રોકાણને પ્રોત્સાહન આપવા માટે પ્રતિબદ્ધ છે. 
વેલ્સપન ઇન્ડિયા લિ. ના સીઈઓ દીપાલી ગોએન્કાએ પોતાનો પ્રતિભાવ આપતા જણાવ્યું કે,  વૈશ્વિક કાપડ ક્ષેત્રે ગુજરાતના નેતૃત્વને વધુ મજબૂત બનાવવા અંગે વેલ્સપન ગ્રુપ સાથે ફળદાયી ચર્ચાઓ થઈ હતી. રાજ્યના મજબૂત ટેક્સટાઇલ ઇકોસિસ્ટમ અને ઉદ્યોગ તરફી નીતિઓનો લાભ લઈને વિકાસ, નિકાસ અને રોજગારીને વેગ આપવા માટે ગુજરાતમાં નવા રોકાણ અને વિસ્તરણની તકો વિશે વિચારણા કરવામાં આવી હતી. 
હિન્ડાલ્કો કંપનીના એમડી શ્રી સતિષ પાઈએ જણાવ્યું કે, ગુજરાતના ઔદ્યોગિક અને ઉત્પાદન ઇકોસિસ્ટમમાં વિપુલ તકો છે, જેમાં કોપર રિસાયક્લિંગ, ઇ-વેસ્ટ મેનેજમેન્ટ અને સર્કુલર ઇકોનોમી પહેલનો સમાવેશ થાય છે, તેની ચર્ચા કરવા માટે હિન્ડાલ્કોના નેતૃત્વ સાથે રચનાત્મક બેઠક યોજાઈ હતી. ડિસેમ્બરમાં કોપર રિસાયક્લિંગ પ્લાન્ટનું ઉદ્ઘાટન કરવાની પણ ચર્ચા થઈ હતી. સંભવિત રોકાણો, ટકાઉ ઔદ્યોગિક પદ્ધતિઓ અને અગ્રણી કોપર ડેસ્ટિનેશન તરીકે ગુજરાતની સ્થિતિને મજબૂત બનાવવાના માર્ગો પર પણ ચર્ચા થઈ હતી. 
એએમએનએસના સીઈઓ અમિત હરલાલકા એ જણાવ્યું કે, ગુજરાતમાં એએમએનએસ ઈન્ડિયાની મહત્વાકાંક્ષી રોકાણ યોજનાઓ અંગે મુખ્યમંત્રી સાથે ફળદાયી બેઠક યોજાઈ હતી. કંપની જૂન સુધીમાં રૂ. ૮૦,૦૦૦ કરોડનું રોકાણ પૂર્ણ કરવાની દિશામાં આગળ વધી રહી છે, તેમજ હજીરા ખાતે મુખ્યત્વે પુનઃપ્રાપ્ય ઊર્જા અને બેટરી સ્ટોરેજ ક્ષેત્રે વધારાના રૂ. ૧૦,૦૦૦ કરોડનું રોકાણ કરવાની યોજના ધરાવે છે. કંપનીએ ગુજરાતમાં ૨૫ મિલિયન ટનની ક્ષમતા ધરાવતો વિશ્વનો સૌથી મોટો સ્ટીલ પ્લાન્ટ વિકસાવવાના પોતાના વિઝન વિશે પણ માહિતી આપી હતી.
-------

Comments

COMMENT / REPLY FROM