Trending News
સ્થાનિક સમાચાર

કચ્છના કલાકારોએ તા.પ ઓગસ્ટ સુધી કલા મહાકુંભમાં ફોર્મ ભરવા ઈજન

13 July



ભુજ - કચ્છઉદય : રાજ્ય સરકારના રમત ગમત યુવા અને સાંસ્કૃતિક પ્રવૃત્તિઓ વિભાગ, ગાંધીનગર પ્રેરિત કમિશ્નર, યુવક સેવા અને સાંસ્કૃતિક પ્રવૃતિઓ, ગાંધીનગર દ્વારા આયોજિત તથા જિલ્લા યુવા વિકાસ અધિકારી, જિલ્લા યુવા અને સાંસ્કૃત્તિક પ્રવૃત્તિઓની ક્ચેરી, કચ્છ-ભુજ દ્વારા સંચાલિત કલા અને સંસ્કૃતિથી લોકો માહિતગાર થાય તે હેતુથી કલા મહાકુંભ- ૨૦૨૬-૨૭નું આયોજન થનાર છે, જેનું રજીસ્ટ્રેશન ફોર્મ ભરવાની છેલ્લી તા.૫/૮ છે. 
આ વર્ષે કલા મહાકુંભમાં કુલ ૩૭ વિવિધ સાંસ્કૃતિક કૃતિઓ અને કુલ ચાર વયજૂથ ૬ થી ૧૪ વર્ષ, ૧૫ થી ૨૦ વર્ષ, ૨૧ થી ૫૯ વર્ષ અને ૬૦ વર્ષથી ઉપરના (૬૦ વર્ષથી ઉપરના સ્પર્ધા સિધી રાજયકક્ષાએ યોજાશે) વયજૂથમાં સ્પર્ધા યોજાશે, જેમાં તાલુકા કક્ષાએથી શરૂ થતી કુલ ૧૪ કૃતિ જેમાં સમૂહગીત, ગરબા, લોકનૃત્ય, રાસ, એકપાત્રીય અભિનય, ભરતનાટ્યમ, વકતૃત્વ, ચિત્રકલા, નિબંધ, સુગમ સંગીત, લગ્નગીત, તબલા, હાર્મોનિયમ (હળવું), લોકગીત-જન, સીધી જિલ્લા કક્ષાએથી શરૂ થતી સ્પર્ધા કાવ્ય લેખન, ગઝલ શાયરી લેખન, લોકવાર્તા, દુહા- છંદ-ચોપાઇ, સર્જનાત્મક કારીગરી, સ્કુલબેન્ડ, ઓર્ગન, કથ્થક, શાસ્ત્રીય કંઠ્ય સંગીત (હિંદુસ્તાની) તેમજ સીધી પ્રદેશકક્ષાએથી શરૂ થતી સ્પર્ધાઓમાં ઓડીસી, મોહીની અટ્ટમ, કુચીપુડી, સિતાર, ગીટાર, વાયોલીન, વાંસળી અને સીધી રાજ્યકક્ષાએથી શરૂ થતી સ્પર્ધાઓમાં પખાવજ, મૃદંગમ, સરોદ, સારંગી, ભવાઈ, જોડિયાપાવા, રાવણ હથ્થો, વગેરે કૃતિઓ યોજાશે. આ સ્પર્ધામાં વધુમાં વધુ કલાકારો ભાગ લે તે માટે તમામ શાળાઓ, કોલેજો તથા વિવધ સંસ્થાઓ તેમજ ભણતા કે ન ભણતા કલાકારોને આથી જણાવવામાં આવે છે કે, કલા મહાકુંભની વિગતવાર ફોર્મ પ્રવેશપત્ર જિલ્લા યુવા અને સાંસ્કૃત્તિક પ્રવૃત્તિઓની કચેરી, રૂમ નં.૪૧૧, ત્રીજોમાળ, બહુમાળીભવન, ભુજ ખાતેથી મેળવી સિધી તાલુકા કક્ષા, સિધી જિલ્લા કક્ષા, સિધી પ્રદેશ કક્ષા, સિધી રાજયકક્ષા દરેકના ફોર્મ તા.૫/૮ સુધીમાં કચેરી સમયે ફોર્મ સાથે આધાર કાર્ડની નકલ તથા બેંક પાસબુકની નકલ સામેલ રાખી જમા કરાવી જવાનું આથી જિલ્લા યુવા વિકાસ અધિકારી દ્વારા જણાવવામાં આવ્યું છે. 
----

Comments

COMMENT / REPLY FROM