Trending News
ક્રાઈમ

મુંદરા પોર્ટ ડ્રગ્સકાંડમાં નવા ઘટસ્ફોટ : સીરીયાથી દિલ્હી કડીનો ધડાકો : હવાલા કૌભાંડ પણ ખુલશે!

16 May

એનસીબીને મુંદરા સુધી કન્ટેનરની કેમ આવી ગઈ બૂ..!



મુંદરા-કચ્છના સ્થાનિક વચેટીયાની કડી અગાઉ સરકી ગયેલા કન્સાઈનમેન્ટમાં ખુલતા આ વખતે પણ આ શખ્સ આવ્યો ચર્ચામાં : એનસીબી જો તટસ્થ અને ઉંડી તપાસ કરશે તો આ નેટવર્કમાં કરોડોના મોટા મની લોન્ડરીંગ પ્રકરણનો પણ થઈ શકે છે પદાર્ફાશ : મુંદરા-આદીપુર-ગાંધીધામ-દિલ્હી સુધીની આખીય નેકસસના પગ નીચેથી જમીન સરકી


ખાટલે મોટી ખોટ : આ તો એનસીબીએ દિલ્હીથી દોડી આવીને પાડયો સફળ દરોડો અને મુદામાલ પકડી પાડયો પણ અગાઉ જે કન્ટેઈનરમા માલ સરકી ગયો તેનો આંક કયા પહોચતો હશે? અગાઉ જે ડ્રગ્સ નશીલો પદાર્થ યુવાધનને બરબાદ કરવા પહોચી નહી ચુકયો હોય તેની શું ખાત્રી? એ જથ્થામાં બે પાંદડે થઈ ગયેલા તત્વોનો વાળ હવે કોણ કરશે વાંકો?


દિલ્હી અથવા અન્યત્ર અગાઉ આવેલા કન્ટેઈનરો ઝડપાઈ ગયા અને તેનો રેલો પહોચ્યો મુંદરા સુધી..! : એજન્સી પાછલા અમુક સમયથી આવા ચોકકસ કન્સાઈનમેન્ટમાં વોચમાં હોવાથી જે વેશલ્સ-કન્સાઈનમેન્ટમાથી ડ્રગ્સ પકડાયુ છે તેની બીલ ઓફ એન્ટ્રી જ ન કરાઈ ફાઈલ


ગાંધીધામ : કચ્છના મુન્દ્રા પોર્ટ પરથી રૂ. ૧૫૫ કરોડની કિંમતનું ૨૦૦ કિલોગ્રામ ડ્રગ્સ ઝડપાવાની ઘટના ચોંકાવનારી હોવાની સાથે દેશની આંતરિક સુરક્ષા માટે એક મોટો લાલબત્તી સમાન કિસ્સો છે. સિરિયાથી ઊનની આડમાં મંગાવવામાં આવેલો આ નશીલા 
પદાર્થોનો જથ્થો છેક દિલ્હી સુધી પહોંચવાનો હતો, જે દર્શાવે છે કે આંતરરાષ્ટ્રીય ડ્રગ માફિયાઓનું નેટવર્ક ભારતના પશ્ચિમ કિનારાથી લઈને દેશની રાજધાની સુધી કેટલું ઊંડું અને મજબૂત રીતે ફેલાયેલું છે. સુરક્ષા એજન્સીઓની તત્પરતા અને સચોટ બાતમીને કારણે આ કરોડોનું ડ્રગ્સ પકડાઈ ગયું તે ચોક્કસપણે પ્રશંસનીય છે, પરંતુ આ સફળતાની 
પાછળ છુપાયેલો અસલી ખતરો ચિંતાજનક છે.
ગુજરાતનો વિશાળ દરિયાકિનારો અને અહીં આવેલા આધુનિક પોટ્‌ર્સ દેશના આર્થિક વિકાસના એન્જિન સમાન છે, પરંતુ કમનસીબે ડ્રગ્સના સોદાગરો માટે પણ આ માર્ગ હવે સોફ્ટ ટાર્ગેટ બની રહ્યો હોય તેમ લાગે છે. ભૂતકાળમાં પણ મુન્દ્રા અને પીપાવાવ જેવા બંદરો પરથી હજારો કરોડનું ડ્રગ્સ પકડાવાના કિસ્સાઓ સામે આવી ચૂક્યા છે. દર વખતે સ્મગલિંગની 
પદ્ધતિ બદલાય છે ક્યારેક ટેલ્કમ પાવડરની આડમાં, ક્યારેક સ્ક્રેપમાં, તો ક્યારેક આ વખતે બન્યું તેમ કાચા ઊનના જથ્થામાં ડ્રગ્સ છુપાવવામાં આવે છે. આ ગુનાહિત ચાલાકી એ વાત સાબિત કરે છે કે ડ્રગ માફિયાઓ કાયદાની આંખમાં ધૂળ નાખવા માટે અત્યંત હાઈટેક અને 
વ્યવસ્થિત આયોજન સાથે કામ કરી રહ્યા છે.
આ સમગ્ર પ્રકરણમાં સૌથી ચિંતાજનક બાબત તેનું ‘દિલ્હી કનેક્શન’ છે. પોર્ટ પર ઉતરતો માલ દેશના હૃદય સમાન રાજધાની સુધી પહોંચવાનો હતો, જેનો સીધો અર્થ એ થાય કે ભારતના સ્થાનિક બજારોમાં ગ્રાહકો (ખાસ કરીને યુવા 
પેઢી) અને લોજિસ્ટિક્સનું મોટું નેટવર્ક પહેલેથી જ સક્રિય છે. ડ્રગ્સનું આ દૂષણ માત્ર કાયદો અને વ્યવસ્થાનો પ્રશ્ન નથી, પરંતુ તે દેશના ભવિષ્યને ઉધઈની જેમ કોતરી ખાતું સામાજિક કેન્સર છે. કોઈ પણ દેશને નબળો પાડવા માટે તેના યુવાધનને નશાના રવાડે ચડાવી દેવું એ આધુનિક ‘પ્રોક્સી વોર’ (છૂપો જંગ) નો એક ભાગ હોઈ શકે છે, જેને નકારી શકાય નહીં.
સુરક્ષા એજન્સીઓએ માત્ર કન્ટેનર પકડવા સુધી સીમિત ન રહેતા, આ કનેક્શનના મૂળ સુધી પહોંચવું પડશે. સિરિયાથી કન્ટેનર મોકલનાર આંતરરાષ્ટ્રીય આકાઓ કોણ છે? ભારતમાં તેને મેળવનાર સ્થાનિક વચેટીયાઓ કોણ છે? અને આ સિન્ડિકેટને કોનું રાજકીય કે વહીવટી
પીઠબળ મળી રહ્યું છે? આ તમામ સવાલોના જવાબો શોધવા અનિવાર્ય છે. પોટ્‌ર્સ પર સ્કેનિંગ અને તપાસની વ્યવસ્થાને વધુ કડક તેમજ આધુનિક બનાવવાની તાતી જરૂર છે જેથી એક પણ શંકાસ્પદ કન્ટેનર તપાસ વગર દેશની સરહદમાં પ્રવેશી ન શકે. દેશના યુવાધનને બચાવવા માટે ડ્રગ્સના આ આંતરરાષ્ટ્રીય નેટવર્કને નેસ્તનાબૂદ કરવું જ 
પડશે, અને તેના માટે હવે ‘ઝીરો ટોલરન્સ‘ ની નીતિ સાથે આરપારની લડાઈ લડવાનો સમય આવી 
ગયો છે.


.....................................

દેશહિતના કચ્છઉદયના વધુ એક અહેવાલ પર લાગી મહોર


મુંદરામાં એનસીબી ત્રાટકી, અને કરોડોના ડ્રગ્સનો જથ્થો પકડયોના અહેવાલ કચ્છઉદય દ્વારા ઉજાગર કરાયો હતો જેમાં મુંદરાથી દિલ્હી સુધીની વાતનો સુચક સંકેત આપેલો હતો. હવે આજ રોજ ખુલાસો થયો છે કે, સીરીયાથી મુંદરા સુધી આવેલો જથ્થો દિલ્હી પહોચવાનો હતો ત્યાના શખ્સની સંડોવણી આવવા પામી ગઈ છે ત્યારે કચ્છઉદયના દેશહિતના અહેવાલને વધુ એક વખત મહોર લાગતી જોવાઈ રહી છે. 

...........................

મુન્દ્રા ડ્રગ્સ કેસઃ તંત્રની આંખ ઉઘાડતા ગંભીર સવાલો


૧.  મેનેજમેન્ટ અને લોજિસ્ટિક્સ પર સવાલો : સિરિયા જેવા સંવેદનશીલ દેશમાંથી (જે આંતરરાષ્ટ્રીય સ્તરે નશીલા પદાર્થોના ટ્રાફિકિંગ માટે જાણીતો છે) આવેલા કન્ટેનરનું મુન્દ્રા પોર્ટ પર આગમન થતાં પહેલાં જ તેને ‘હાઈ-રિસ્ક’ કેટેગરીમાં મૂકીને સ્ક્રીનિંગ કેમ કરવામાં ન આવ્યું? પોર્ટ પર આંતરરાષ્ટ્રીય કક્ષાના અત્યાધુનિક કન્ટેનર સ્કેનર્સ હોવા છતાં, ઊનની અંદર છુપાવેલું ૨૦૦ કિલો ડ્રગ્સ પકડવા માટે માત્ર બાતમી પર જ કેમ નિર્ભર રહેવું પડ્યું? શું રૂટિન ચેકિંગમાં આ ખામી રહી ગઈ હતી? ૨. લોકલ કનેક્શન અને આંતરિક સુરક્ષા ગુજરાતના પોર્ટ પર ડ્રગ્સ ઉતરીને છેક દિલ્હી સુધી રોડ કે રેલ માર્ગે જવાનું હતું. આ માલને પોર્ટથી ક્લિયર કરાવીને દેશની રાજધાની સુધી સુરક્ષિત પહોંચાડવાની જવાબદારી કઈ લોકલ લોજિસ્ટિક્સ કંપની કે વચેટીયાની હતી? તેના અસલી આકાઓ કોણ છે? ભૂતકાળમાં પણ મુન્દ્રા પોર્ટ પરથી હજારો કરોડનું ડ્રગ્સ પકડાયું છે, તો વારંવાર ડ્રગ માફિયાઓ નાર્કોટિક્સ ઘુસાડવા માટે ગુજરાતના જ દરિયાઈ માર્ગ અને આ ચોક્કસ પોર્ટને કેમ સોફ્ટ ટાર્ગેટ બનાવી રહ્યા છે? 
૩. આંતરરાષ્ટ્રીય સિન્ડિકેટ અને ભંડોળ :આ કન્ટેનર સિરિયાથી કઈ કંપની અથવા વ્યક્તિ દ્વારા બુક કરવામાં આવ્યું હતું? આ આંતરરાષ્ટ્રીય ડ્રગ સિન્ડિકેટ પાછળ કયા આતંકવાદી સંગઠનો કે વૈશ્વિક ગુનેગારોનો હાથ છે? : રૂ. ૧૫૫ કરોડના આ ડ્રગ્સના સોદા માટે હવાલા નેટવર્ક કે ક્રિપ્ટોકરન્સી દ્વારા આંતરરાષ્ટ્રીય સ્તરે પેમેન્ટ ચૂકવવામાં આવ્યું હતું? આ કાળા નાણાં નું ફંડિંગ ક્યાંથી થયું? : ૪. સરકારી તંત્ર અને કાયદાકીય કડકાઈ : નાર્કોટિક્સ કંટ્રોલ બ્યુરો, ડીઆરઆઈ અને લોકલ પોલીસ વચ્ચે આંતર-રાજ્ય સંકલનમાં ક્યાં ખામી રહી જાય છે કે દિલ્હી બેઠેલા સપ્લાયર્સ ભારતના સરહદી વિસ્તારો સુધી પોતાનું નેટવર્ક ચલાવી રહ્યા છે? 
૫. સામાજિક અને રાષ્ટ્રીય સુરક્ષાનો ખતરો : દેશની રાજધાની દિલ્હી અને તેની આસપાસના શૈક્ષણિક સંકુલો (ર્ઝ્રઙ્મઙ્મીખ્તીજ/ેંહૈદૃીજિૈૈંીજ) ને ટાર્ગેટ કરવા માટે આ જથ્થો મંગાવાયો હોવાની આશંકા છે, તો સ્થાનિક સ્તરે યુવાનો સુધી આ નશો પહોંચાડતું કયું મોટું નેટવર્ક રાજધાનીમાં સક્રિય છે, જે હજુ સુધી અસ્પૃશ્ય છે શું આ ડ્રગ્સ સ્મગલિંગ ભારત વિરુદ્ધ રમાતી કોઈ આંતરરાષ્ટ્રીય ‘પ્રોક્સી વોર’ (છૂપા યુદ્ધ) નો ભાગ છે, જેનો ઉદ્દેશ્ય ભારતના યુવાધનને શારીરિક અને માનસિક રીતે બરબાદ કરવાનો છે?

Comments

COMMENT / REPLY FROM