ગરમીમાં મેદસ્વિતા ઓગાળવાના સરળ ઉપાયો
ભુજ - કચ્છઉદય : ઉનાળાની કાળઝાળ ગરમી વજન ઘટાડવા માટે એક ઉત્તમ તક પૂરી પાડે છે. આ ઋતુમાં કુદરતી રીતે જ આપણને ભૂખ ઓછી લાગે છે અને તરસ વધુ લાગે છે. જો યોગ્ય આહાર અને પ્રવાહીનું આયોજન કરવામાં આવે, તો ઉનાળામાં મેદસ્વિતા ખૂબ જ ઝડપથી ઘટાડી શકાય છે.
ઉનાળામાં આપણું મેટાબોલિઝમ અન્ય ઋતુઓની સરખામણીએ થોડું ધીમું હોય છે, પરંતુ પરસેવો વધુ થતો હોવાથી શરીર ડિટોક્સ જલ્દી થાય છે. આ સમયે ભારે ખોરાક લેવાને બદલે હળવો અને ઠંડક આપતો આહાર લેવો જોઈએ. ઉનાળામાં મળતા ફળોમાં પાણીનું પ્રમાણ સૌથી વધુ હોય છે. તરબૂચ અને ટેટીઃ આ ફળોમાં ૯૦% થી વધુ પાણી હોય છે. તે પેટ ભરેલું રાખે છે અને ખૂબ જ ઓછી કેલરી આપે છે. કાકડી એ કેલરી ફ્રી ખોરાક જેવી છે. સલાડમાં તેનો ભરપૂર ઉપયોગ કરવાથી પેટની ચરબી ઘટાડવામાં મદદ મળે છે.
ઉનાળામાં ઠંડી અને મસાલેદાર છાસ એ મેદસ્વિતા ઘટાડવા માટે શ્રેષ્ઠ છે. છાસમાં રહેલા પ્રોબાયોટિક્સ પાચન સુધારે છે અને ચરબીને જામવા દેતા નથી. બપોરના ભોજનમાં એક ગ્લાસ છાસમાં શેકેલું જીરું નાખીને પીવાનો આગ્રહ રાખો. ઉનાળામાં સાદું પાણી પીવાને બદલે ’ડિટોક્સ વોટર’ પીવાથી વજન ઝડપથી ઘટે છે. એક માટલામાં અથવા જગમાં પાણી ભરી તેમાં ફુદીનાના પાન, લીંબુની સ્લાઈસ અને કાકડીના ટુકડા નાખી દો. આ આખો દિવસ પીવાથી શરીરની ગરમી ઓછી થશે અને મેટાબોલિઝમ વધવાથી ચરબી ઓગળશે. ગરમીમાં પાચનતંત્ર નાજુક હોય છે. આ સમયે બાજરી કે જુવાર જેવા હળવા અનાજ (સ્ૈઙ્મઙ્મીંજ) નો ઉપયોગ કરવો હિતાવહ છે. તેલયુક્ત અને મસાલેદાર ખોરાક શરીરમાં ગરમી વધારે છે અને વજન પણ વધારે છે, તેથી ઉનાળામાં બાફેલા કે શેકેલા ખોરાક પર વધુ ભાર મૂકવો જોઈએ.
ઉનાળામાં બપોરે બહાર નીકળવું સ્વાસ્થ્ય માટે હાનિકારક છે, પરંતુ સવારે વહેલા અથવા સાંજે સૂર્ય આથમ્યા પછી ૩૦-૪૦ મિનિટ ઝડપથી ચાલવાથી પરસેવો વળશે અને કેલરી ઝડપથી બળશે. ઠંડા પીણાં અને આઈસ્ક્રીમમાં રહેલી ખાંડ મેદસ્વિતા ઘટાડવાના તમારા પ્રયત્નો પર પાણી ફેરવી શકે છે. વધુ પડતી ચા-કોફી શરીરમાં પાણીની અછત ઊભી કરે છે. ઉનાળામાં બપોરની ઊંઘ વજન વધવાનું મુખ્ય કારણ બની શકે છે.
--------------

Comments