કચ્છ સહિતના રાજયના સરહદિ વિસ્તારો માટે રાહતના સમાચાર : ૩૦મી એપ્રીલ સુધી સિંચાઈ માટે નર્મદા જળ આપવા સરકારનો ઐતિહાસીક નિર્ણય
ગાંધીનગરઃ રાજ્યના કચ્છ સહીતના સરહદી અને અંતરિયાળ વિસ્તારોમાં ઉનાળાની શરૂઆતે જ પીવાના અને સિંચાઈના પાણીની સમસ્યા ન સર્જાય તે માટે ગુજરાત સરકાર દ્વારા એક અત્યંત મહત્વપૂર્ણ અને સંવેદનશીલ નિર્ણય લેવામાં આવ્યો છે. ગુજરાત વિધાનસભામાં સરકારે જાહેરાત કરી છે કે કચ્છના સરહદી વિસ્તારોમાં આગામી ૩૦ એપ્રિલ સુધી નર્મદાનું પાણી સતત મળતું રહેશે.ચાલુ વિધાનસભા સત્ર દરમિયાન રાજ્ય સરકાર દ્વારા આ મોટી જાહેરાત કરવામાં આવી હતી. સરકારના આ પ્રસ્તાવને વિધાનસભાના માનનીય અધ્યક્ષશ્રીએ પણ માન્યતા આપી છે. આ નિર્ણયથી કચ્છના સરહદી ગામડાઓ, પશુપાલકો અને ખેડૂતોમાં આનંદની લહેર વ્યાપી ગઈ છે. સામાન્ય રીતે ઉનાળાના દિવસોમાં પાણીની તંગી વર્તાતી હોય છે, પરંતુ આ વર્ષે ૩૦ એપ્રિલ સુધી પાણી ચાલુ રાખવાના નિર્ણયથી ઉનાળુ પાક અને પશુધનને મોટી રાહત મળશે. સમયમર્યાદાઃ કચ્છના સરહદી વિસ્તારોને ૩૦ એપ્રિલ સુધી નર્મદાના પાણીનો પુરવઠો મળતો રહેશે. લાભાર્થીઃ આ નિર્ણયનો સીધો લાભ સરહદી પટ્ટી પર આવેલા ગામો અને પશુપાલકોને થશે. સરકારની કટિબદ્ધતાઃ રાજ્ય સરકાર છેવાડાના માનવી સુધી પૂરતું પાણી
પહોંચાડવા માટે સંકલ્પબદ્ધ છે, જે આ જાહેરાતથી સ્પષ્ટ થાય છે. વિધાનસભાના અધ્યક્ષશ્રીએ આ જનહિતલક્ષી નિર્ણયને બિરદાવીને તેને સંમતિ આપી છે. આ જાહેરાત બદલ કચ્છના પ્રતિનિધિઓ અને સ્થાનિક આગેવાનોએ સરકારનો આભાર માન્યો છે.

Comments