‘નારી સંમેલન’માં ભુજના ક્રિષ્નાબેન તન્ના અને આશાબેન બાલાસરાને જિલ્લાકક્ષાનો ‘માતા યશોદા એવોર્ડ’ એનાયત
ઉત્કૃષ્ટ કામગીરી બદલ આંગણવાડી કર્મીઓનું આઈસીડીએસ શાખા દ્વારા કરાયું સન્માન
ભુજ : ગુજરાત રાજ્ય મહિલા આયોગ અને કચ્છ જિલ્લા પંચાયતની આઈસીડીએસ શાખાના સંયુક્ત ઉપક્રમે મુન્દ્રા તાલુકાના પ્રાગપર ગામે ‘નારી સંમેલન’નું આયોજન કરવામાં આવ્યું હતું.
કચ્છના સાંસદ વિનોદ ચાવડા, ગાંધીધામના ધારાસભ્ય માલતીબેન મહેશ્વરી, માંડવી-મુન્દ્રાના ધારાસભ્ય અનિરૂદ્ધભાઈ દવેની હાજરીમાં વર્ષ દરમિયાન ઉત્કૃષ્ટ સેવાઓ આપનારા કાર્યકરોને એવોર્ડ અને પ્રશસ્તિપત્ર આપીને પ્રોત્સાહિત કરવામાં આવ્યા હતા, જેમાં ભુજ શહેરના મહાદેવનગર આંગણવાડીના ‘શ્રેષ્ઠ આંગણવાડી કાર્યકર’ તરીકે ક્રિષ્નાબેન ભાવેશભાઈ તન્ના અને ‘શ્રેષ્ઠ આંગણવાડી તેડાગર’ તરીકે આશાબેન મહેશભાઈ બાલાસરાને મહાનુભાવોના હસ્તે જિલ્લાકક્ષાનો પ્રતિષ્ઠિત ‘માતા યશોદા એવોર્ડ’ એનાયત કરવામાં આવ્યો હતો. પ્રોગ્રામ ઓફિસર દશરથ પંડ્યાએ એવોર્ડ પ્રાપ્ત કરનારા આંગણવાડી કર્મીઓને શુભેચ્છાઓ પાઠવી હતી.
---------

Comments