Trending News
સ્થાનિક સમાચાર

મુંદરામાં ડીઆરઆઈનો સપાટો : કરોડોના દાણચોરીયુકત  ફટાકડા ઝડપાયા : માસ્ટરમાઈન્ડ દબોચાયો : ઘટસ્ફોટ થશે

17 November

તાજેતરમાં જ કાસેઝમાં ૩પ કરોડના ફટાકડાકાંડનો થઈ ચૂકયો છે ખુલાસો





વોટર ગ્લાસ સેટ તથા ફલાવર રીસેપ્ટેબલ હોવાનુ જાહેર કરી અને પ્રતિબંધિત ચાઈનિજ ફટાકડા ઈમ્પોર્ટ કરનારાઓ પર તવાઈ : ૩૦ હજાર પીસીસ વિદેશી પ્રતીબંધિત ફટાકડાંનો જથ્થો ઝડપાયો



ગાધીધામ : ફટાકડાંની ગેરકાયદેસર આયાતને અટકાવવા માટે ચાલી રહેલી ઓપરેશન “ફાયર ટ્રેઇલ” હેઠળ રેવન્યુ ઇન્ટેલિજન્સ ડિરેક્ટોરેટ (ડીઆરઆઈ) ને વધુ એક મોટી સફળતા મળી છે. ભારતમાં ચાઇનીઝ મૂળના ફટાકડાંની વધતી જતી ગેરકાયદેસર આવકને રોકવા માટે ચાલી રહેલા દમદાર અને વ્યૂહાત્મક પ્રયાસોની વચ્ચે ડીઆરઆઈ એ મુન્દ્રા બંદર પર અત્યાધુનિક દાણચોરીના પ્રયાસનો પર્દાફાશ કર્યો છે.
DRI  અધિકારીઓએ ચીનથી આવેલ ૪૦ ફૂટના એક કન્ટેનરને અટકાવ્યું હતું. આ કન્ટેનરમાં WATER GLASSES  અને  “Flower Receptacle  હોવાનું જાહેર કરવામાં આવ્યું હતું. જોકે, સુચિત માહિતી અને જોખમ વિશ્લેષણના આધારે કરવામાં આવેલી વિગતવાર તપાસમાં પાણીના ગ્લાસ સેટના આગળના સ્તરની 
પાછળ નિપુણતાથી 
છુપાવવામાં આવેલા ૩૦,૦૦૦ ચાઇનીઝ ફટાકડાં મળી આવ્યા હતા.ભારતમાં ફટાકડાંની આયાત Foreign Trade Policy  હેઠળ ‘પ્રતિબંધિત’ છે. આવી આયાત માટે DGFT (Directorate General of Foreign Trade)PESO (Petroleum & Explosives Safety Organisation)તરફથી વિસ્ફોટકો નિયમો, ૨૦૦૮ મુજબ માન્ય લાઈસન્સ ફરજિયાત છે.જપ્ત કરાયેલા કાર્ગોમાંથી આવા કોઈ પણ જરૂરી દસ્તાવેજો રજૂ કરવામાં આવ્યા ન હતા. તપાસ દરમ્યાન આયાતકારે સ્વીકાર્યું કે આ માલ નાણાકીય લાભ માટે ગેરકાયદેસર રીતે ચીનમાંથી લાવવામાં આવ્યો હતો.



........



૫ કરોડના ફટાકડાં જપ્ત - માસ્ટરમાઇન્ડની ધરપકડ

ગાંધીધામ : DRI એ ૧૫ નવેમ્બર ૨૦૨૫ના રોજ કસ્ટમ્સ એક્ટ, ૧૯૬૨ હેઠળ અંદાજે ?૫ કરોડના ચાઇનીઝ ફટાકડાં અને કાર્ગો જપ્ત કર્યા હતા. સમગ્ર વ્યવહારના માસ્ટરમાઇન્ડ-કમ-ફાઇનાન્સરની ધરપકડ કરવામાં આવી છે, અને દાણચોરી નેટવર્ક વિશે વધુ માહિતી બહાર લાવવા માટે તપાસ ચાલુ છે.



............


જાહેર સુરક્ષા માટે મોટો ખતરો

ગાંધીધામ : આવા ઘાતક અને સંવેદનશીલ માલની ગેરકાયદેસર આયાત, જાહેર સલામતી,રાષ્ટ્રીય સુરક્ષા, અને બંદરો તથા શિપિંગ લોજિસ્ટિક્સ ચેઇન માટે ગંભીર જોખમ ઊભા કરે છે.DRI  એ ફરી એકવાર સ્પષ્ટ કર્યું છે કે તે આવા સંગઠિત દાણચોરી નેટવર્કને શોધીને, નષ્ટ કરીને, અને દેશના વેપાર તથા સુરક્ષા ઇકોસિસ્ટમની અખંડિતતા જાળવી રાખવા પોતાના મિશનમાં અડગ છે. ગેરકાયદેસર માલની આયાત સામે શૂન્ય સહનશીલતા સાથે DRI Fire Trail” ‚ સફળતાપૂર્વક આગળ વધી રહ્યું છે.


..........


કાસેઝ સુધી તાર જોડાતા ૩પ કરોડના ફટાકડાકાંડનો
થોડા સમય પહેલા જ થયો હતો ઘટસ્ફોટ




બર્થ ડે સેલીબ્રેશનની વસ્તુઓ ડીકલેર કરી અને ફટાકડાઓ લવાયા હતા : ઓકટોબર રપમાં મુંબઈઅને તુટીકોરીન બંદર ખાતે પણ ચાઈનિજ ફટાકડા ઝડપાયા હતા



ગાંધીધામ : જાહેર સુરક્ષાને જોખમમાં નાખી શકાય છે તેમ જાણતા હોવા છતા પણ દેશના વિવિધ બંદરો પર ગેરકાયેસર રીતે પ્રતિબંધિત ચાઈનીજ ફટાકડાઓ ઠાલવાઈ રહ્યા છે. હજુ તો મુંબઈઅને તુટીકોરીનમા આવા ફટાકડાઓ ઝડપાયાના અહેવાલોની સ્યાહી સુકાઈ નથી કે, મુંદરામાંથી પાંચ કરોડનો આવો જ જથ્થો પકડી પાડવામા આવ્યો છે. નોધનીય છે કે મુંદરામાંથી થોડા સમય પહેલા જ કાસેઝના યુનિટમાં પહોચેલો ફટાકડાનો આવો જ ૩પ કરોડનો જ્થો પકડી પાડવામા આવ્યોહતો. અને તેમાથીથી કાસેઝમાથી એક શખ્સની ધરપકડ પણ કરવામા આવ હતી.

...............

Comments

COMMENT / REPLY FROM