Trending News
સ્થાનિક સમાચાર

ભુજમાં જિલ્લા કક્ષાના પોષણ ઉત્સવની ઉજવણી

03 October



ભુજ : જિલ્લા વિકાસ અધિકારીની અધ્યક્ષતામાં તેમજ  પ્રોગ્રામ ઓફિસરના માર્ગદર્શનથી પોષણ પ્રત્યે જાગૃતિ વધારવા અને વિવિધ પોષક તત્વોથી ભરપૂર વાનગીઓનું પ્રદર્શન કરવાના ઉદ્દેશ્ય સાથે આ ઉત્સવનું આયોજન થયું હતું. આ ઉત્સવનો મુખ્ય ભાગ પૌષ્ટિક વાનગી સ્પર્ધા હતો.
        આઈસીડીએસના તમામ લાભાર્થી બાળકો, કિશોરીઓ, સગર્ભા, મહિલા અને ધાત્રી માતા  તથા છેવાડાના લોકો સુધી  ટેક હોમ રાશન (માતૃ શક્તિ,બાલ શક્તિ અને પૂર્ણા શક્તિ) મિલેટ(શ્રી અન્ન) અને સરગવા માંથી બનતી પોષણયુક્ત વાનગીઓ વિષે જાગૃતિ  કેળવાય, આંગણવાડી કેન્દ્ર મારફત અપાતા ટીએચઆર (માતૃ શક્તિ,બાલ શક્તિ અને પૂર્ણા શક્તિ) મિલેટ (શ્રી અન્ન) અને સરગવાના પોષણ મુલ્યો અંગેની જાગૃતતા અને ઉપયોગ અંગે પ્રોત્સાહન આપવાનો હતો.   
જિલ્લાના ૧૯ ઘટકમાં  પ્રથમ ત્રણ નંબર પ્રાપ્ત કરેલ આંગણવાડી  કાર્યકર દ્વારા વિવિધ પૌષ્ટિક વાનગી સ્પર્ધા યોજાઈ હતી, જેમાંથી  મિલેટ અને ટીચેઆર (ટેક હોમ રાશન)  માંથી વાનગી બનાવામાં આવી હતી. કુલ  ૫૭ ટીએચઆર માંથી અને મિલેટ માંથી કુલ -૫૭ વાનગી બનાવવામાં આવી હતી, જેમાં રાજગરો, સામો, બાજરો, જુવાર, કોદરી, રાગી, મકાઇ વગેરે મિલેટ તેમજ પૂર્ણા શક્તિ, માતૃશક્તિ, બાલ શક્તિમાંથી મુઠીયા, પુડલા, ઈડલી, લાડુ, સુખડી, ઢોકળાં, ખીર, ચોકલેટ, પેટીસ, સુખડી રોલ, કોદરી ખીર, રાગીના લાડુ, બિસ્કીટ, ટીક્કી, ગુલાબ જાંબુ, ચકરી, બાજરીના લોટમાંથી પુડલા, શક્કરપારા, જુવારની ટીક્કી, વડા, મકાઇ, જુવાર, પાલકના ઢોસા, કેક બાલશક્તિના કોકો નટ રોલ, બાળ શકિતની ડેરી મિલ્ક, મોહન થાળ, ખીચડી, ફ્રેન્કી, ગુંદર પાર્ક, સરગવાની પૂરી જેવી કુલ ૧૧૪ વાનગી  બનાવવામાં આવી હતી. ટીએચઆર માંથી બનાવેલ વાનગી સ્પર્ધામાં પ્રથમ નંબર અનિલાબેન  કિરણભાઈ ચૌહાણ ભુજ -૩, દ્વિતીય નંબર  ફુલાણી ઉમાબેન અબડાસા - ઘટક ૨, તૃતીય નંબર ખાંભલા જશોદાબેન નારણ અંજાર-૨  તેમજ મિલેટ વાનગી સ્પર્ધામાં પ્રથમ નંબર ખાંભલા જશોદાબેન નારણ અંજાર -૨ ,દ્વિતીય નંબર જ્યોતિબેન રસિકલાલ સોની નખત્રાણા-ઘટક -૧, તૃતીય નંબર શ્રીમાળી સંગીતાબેન નરેશ,અંજાર-૧એ પ્રાપ્ત કરેલ. જિલ્લા વાનગી સ્પર્ધામાં પ્રથમ ત્રણ નંબર પ્રાપ્ત કરેલ પ્રમાણ પત્ર આપવામાં આવ્યા હતા. પ્રથમ ત્રણ નંબર પ્રાપ્ત કરેલ આંગણવાડી કાર્યકર ઝોન કક્ષાએ ભાગ લેશે. નિર્ણાયક તરીકે જિલ્લા  મહિલા અને બાળ અધિકારી અવનીબેન દવે તેમજ ગુજરાત યોગ  કોચ,  યોગ આહાર એક્સપર્ટ નેહલબેન પંડયા દ્વારા નિર્ણય આપવા આવ્યો હતો. પ્રોગ્રામનું સંચાલન ડીપીએ -૧ લક્ષ્મીબેન સેગલીયા દ્વારા કરવામાં આવ્યું હતું અને આભારવિધિ પ્રોગ્રામ ઓફિસર ડી.ડી. પંડ્યા દ્વારા કરવામાં આવ્યું હતું.  પ્રોગ્રામને સફળ બનાવવા સમગ્ર આઈસીડીએસ સ્ટાફે જહેમત ઉઠાવી હતી. 
--

Comments

COMMENT / REPLY FROM