Trending News
સ્થાનિક સમાચાર

રાજસ્થાનથી ભચાઉ આવતો લાખોનો નશાકારક  પદાર્થ જથ્થો સુરેન્દ્રનગર પાસે ફિલ્મી ઢબે ઝડપાયો

04 August



બોલેરો કારને પોલીસે રોકતા કારચાલકે કાર ભગાવતા પોલીસે પીછો કરતા હીરાપુરા ફાટક પાસે કાર પલટી જતા મુદામાલ સાથે બે શખ્સો દબોચી લેવાયા : બે લાખની કિમંતનો ૬૭ કીલ્લો પોષફોડાનો જથ્થો કરાયો સ્થગિત


પોષડોડા નાની ચીરઈ આસપાસની કંપનીઓના શ્રમિકોને વેંચાવા માટે કચ્છ તરફ આવતો હોવાનો ઝડપાયેલા શખ્સોની પ્રામથીક પુછતાછમાં થયો છે ખુલાસો


ગાંધીધામ : માદક પદાર્થોની હેરફેર કરનારા તત્વોની સામે ઠેર ઠેર પોલીસ દ્વારા કડક કાર્યવાહી કરવામા આવી રહી છે. હજુ તો કચ્છમાં ખેડોઈ પાસેથી એસઓજીની ટીમ દ્વારા હેરોઈનનો જથ્થો ઝડપી પાડયો છે તેવામાં બીજીતરફ રાજસ્થાનથી કચ્છ ભણી આવી રહેલા પોષડોડાના જથ્થાને સુરેન્દ્રનગર પાસે પકડી લેવામા આવ્યો હોવાના અહેવાલો પ્રાપ્ત થવા પામી રહયા છે. પાટડી પોલીસ ટીમને પેટ્રોલિંગ દરમિયાન શંકાસ્પદ કાર લાગતા પીછો કર્યો હતો. જેમાં ધ્રાંગધ્રા હાઈવે પર હરીપુરા ફાટક પાસે કાર પલટી ખાઈ ગઈ હતી. અને બે શખ્સો પોષ ડોડવાના જથ્થા સહિત રૂ. ૪,૬૩,૭૦૦ના મુદ્દામાલ સાથે પકડાયા હતા. આ બન્નેને નશાકારક પદાર્થ આપનાર સહિત ત્રણ સામે પાટડી પોલીસ મથકે ફરિયાદ નોંધાઈ છે.પાટડી પોલીસના ભારતસીંહ જાડેજા સહિતની ટીમ શનિવારે રાત્રે સાવડા ગામના બોર્ડ પાસે પેટ્રોલિંગ કરી રહ્યા હતા.ત્યારે જૈનાબાદ-દસાડા તરફથી આવતી એક સફેદ કલરની મહીન્દ્રા બોલેરો કારને રોકવાનો પ્રયત્ન કરતા કાર ચાલકે કાર ભગાવી મુકી હતી. આથી પોલીસને શંકા જતા પીછો કર્યો હતો. અને પાટડી પીઆઈ બી.સી.છત્રાલીયાને જાણ કરી પાટડી સર્કલે નાકાબંધી કરવા જણાવ્યુ હતુ. પરંતુ કાર ધ્રાંગધ્રાના રસ્તે ફરાર થઈ જતા બજાણા પોલીસને પણ જાણ કરાઈ હતી. આ કારનો પોલીસે પીછો કરતા ધ્રાંગધ્રા હાઈવે પર હરીપુરા ફાટક પાસે કાર પલટી મારી ગઈ હતી અને તેમાંથી બે શખ્સો બહાર નીકળી ફરાર થાય તે પહેલા પોલીસે તેઓને દબોચી લીધા હતા. જેમાં બન્નેની પુછપરછ કરતા તેઓ રાજસ્થાનના બાડમેર જિલ્લાના અશોક પ્રહલાદરામ જાટ અને ટીકમારામ પ્રહલાદરામ જાટ હોવાનું તથા કારમાં પોષ ડોડવા હોવાનું જણાવ્યુ હતુ. આ પોષ ડોડવાનો જથ્થો તેઓ રાજસ્થાનના બાડમેર જિલ્લાના જ રમેશકુમાર પુનમારામ જાટ પાસેથી લાવ્યા હોવાનું અને કચ્છના ભચાઉ તાલુકાના ચીરઈ ગામ આસપાસ શ્રામીકોને વેચવા જતા હોવાનું પણ જણાવ્યુ હતુ. પોલીસે પોષ ડોડવાનો જથ્થો ૬૭ કિલો અને ૯૦૦ ગ્રામ કિંમત રૂપીયા ૨,૦૩,૭૦૦, રૂપીયા ૨.૫૦ લાખની કાર અને રૂપીયા ૧૦ હજારના ૨ મોબાઈલ મળી કુલ રૂપીયા ૪,૬૩,૭૦૦ની મત્તા કબજે કરી ત્રણેય સામે 
પાટડી પોલીસ મથકે એનડીપીએસ એકટ હેઠળ ફરિયાદ નોંધી છે. અન્ય આરોપીને ઝડપી લેવા વધુ તપાસ પીઆઈ બી.સી.છત્રાલીયા ચલાવી રહ્યા છે.

Comments

COMMENT / REPLY FROM