જમીન ફાળવણી કેસમાં પ્રદીપ શર્માની જામીન અરજી સુપ્રીમ કોર્ટે ફગાવી
નવીદિલ્હી : સુપ્રીમ કોર્ટે આજે (સોમવારે) કચ્છના ભુજ ખાતે દાખલ થયેલા ૨૦૦૩ના ગેરકાયદેસર જમીન ફાળવણી કેસમાં નિવૃત્ત આઈએએસ અધિકારી પ્રદીપ નિરંકારનાથ શર્માને જામીન ફગાવી દીધા હતા. તેમના પર કચ્છ જિલ્લાના તત્કાલીન કલેક્ટર તરીકે નાણાકીય લાભ માટે સરકારી જમીનની ગેરકાયદેસર ફાળવણી બદલ ભ્રષ્ટાચાર અને ગુનાહિત વિશ્વાસઘાતનો આરોપ છે. તેમની સામે ૨૦૨૩માં ફોજદારી કાર્યવાહી સંહિતા, ૧૯૭૩ની કલમ ૪૩૯ હેઠળ એફઆઈઆર દાખલ કરવામાં આવી હતી, જેે સીઆઈડી ક્રાઇમ બોર્ડર ઝોન પોલીસ સ્ટેશનમાં ભારતીય દંડ સંહિતાની કલમ ૪૦૯, ૨૧૭, ૧૨૦બી, ૧૧૪ અને ભ્રષ્ટાચાર નિવારણ અધિનિયમની કલમ હેઠળ સજાપાત્ર ગુના માટે નોંધાયેલી એફઆઈઆર સંદર્ભે નિયમિત જામીન માટે હતી. ગયા વર્ષે માર્ચમાં ગુજરાત હાઇકોર્ટે તેમની નિયમિત જામીન અરજી ફગાવી દેવાના આદેશને પડકારતી હાલની એસએલપી દાખલ કરવામાં આવી હતી. ઉચ્ચ સરકારી પદ પરના કાર્યકાળ દરમિયાન સમાન ગુનાઓ માટે તેમની સામે નોંધાયેલી અસંખ્ય એફઆઈઆરનો ઉલ્લેખ કરીને, હાઈકોર્ટે શર્માની તરફેણ કરવામાં અનિચ્છા વ્યક્ત કરી હતી.
---------

Comments