Trending News
સ્થાનિક સમાચાર

કચ્છ બ્રાન્ચ નર્મદા કેનાલ મેન્ટેનન્સ હેતુથી બે મહિના વિતરણ બંધ 

02 March




નર્મદા કેનાલ બંધ થવાના કારણે રાપર  શહેર સહિત વાગડ વિસ્તારમાં પાણીનો કકડાટ થશે શરૂ : અત્યારથી તંત્ર દ્વારા પાણીની સમસ્યા ન સર્જાય તે માટે આગોતરૂં આયોજન કરવું જોઈએ 


ગાંધીધામ : કચ્છની જીવાદોરી સમાન નર્મદા યોજનાની કેનાલ કે જેના પર ખેડૂતો અને પીવાના પાણી માટે શહેર અને ગ્રામ્ય વિસ્તાર નભે છે તેવી કેનાલ આગામી ૩૧મી માર્ચથી નર્મદાની કચ્છ બ્રાન્ચ કેનાલમાં પાણી વિતરણ થશે બંધ કરવામાં આવશે. નર્મદાના પાણીથી લેવાતા ઉનાળુ પાકનું વાવેતર ન કરવા નિગમ દ્વારા સુચના આપવામાં આવી છે. વાગડના રાપર, ભચાઉ તાલુકાના વિસ્તારથી કરીને માંડવી સુધી નર્મદાની કેનાલમાં પાણી વિતરણ કરવામાં આવે છે, પરંતુ ૩૧ માર્ચથી કચ્છ શાખા નહેરમાં મુખ્ય કેનાલમાંથી આવતું નર્મદાનું પાણી બંધ કરવામાં આવશે તેવી સરદાર સરોવર નર્મદા નિગમ બનાસકાંઠા દ્વારા જાહેર કરાયું છે. ટૂંક સમયમાં કચ્છ માટે પણ આવી જાહેરાત કરવામાં આવશે. ગત વર્ષે ચોમાસામાં પૂરતો વરસાદ પડતા નર્મદા ડેમમાં હાલ ૧૩૦ મીટરની ઊંચાઈ છે તેવું સૂત્રોએ જણાવ્યું હતું. અને રિઝર્વ જથ્થો પર્યાપ્ત છે ત્યારે માર્ચ મહિનામાં ૧૫ તારીખથી બનાસકાંઠાની થરાદ, વાવ, ભાભરની શાખા વી-શાખામાં પાણી વિતરણ બંધ કરવાની નર્મદા નિગમ એ જાહેરાત કરતા ખેડૂતોમાં કચવાટ ફેલાયો છે. બે મહિના માટે મેન્ટેનન્સ અને સફાઈ કરવાના ઉદેશથી આ નિર્ણય લેવાયો હોય પરંતુ જ્યારે નર્મદા ડેમમાં ૩૨૫૪ મિલિયન ક્યુબિક મીટર પાણીનો લાઈવ જથ્થો છે, ત્યારે વિતરણ બંધ ન કરવું જોઈએ તેવી ખેડૂતોની માંગણી છે. જો કે બનાસકાંઠા જિલ્લામાં નર્મદા નિગમ દ્વારા કરવામાં આવેલી જાહેરાત મુજબ ૧૫મી માર્ચે ત્યાં પાણી રોકવામાં આવશે. ત્યાર પછી કચ્છની શરૂ થતી કચ્છ બ્રાન્ચ કેનાલ પણ ૩૧ માર્ચથી બે મહિના માટે પાણીનું વિતરણ બંધ કરવામાં આવશે. જોકે આ અંગે કચ્છ જિલ્લાના નર્મદા નિગમના કોઈ અધિકારી દ્વારા જાહેરાત કરવામાં આવી નથી, પરંતુ નર્મદાની મુખ્ય નહેરમાંથી જે કચ્છ બાજુ શાખા આવે છે તે મુખ્ય બનાસકાંઠામાં જ વિતરણ બંધ થશે તો કચ્છ બાજુ નહીં આવે તે સ્વાભાવિક છે. હજુ સુધી જાહેરાત કરવામાં નથી આવી તે પણ એક પ્રશ્ન છે કે, ૩૧ માર્ચથી પાણીનું વિતરણ બંધ થશે તે ખેડૂતોને જાણ કરી દેવામાં આવશે. માટે નર્મદાના પાણીને આધારિત ઉનાળુ પાકનું વાવેતર ન કરે. હાલ શિયાળુ પાક માટે વિતરણ ચાલુ છે.રાપર તાલુકા ના ૯૭ ગામ અને રાપર શહેર માત્ર નર્મદા યોજના આધારિત પાણી યોજના ધરાવે છે, જો બે મહિના સુધી કેનાલ બંધ રહેશે તો ફરીથી રાપર શહેર અને ગ્રામ્ય વિસ્તારોમાં પાણી સમસ્યા ઉભી થાય તેવી શક્યતા છે. અત્યારથી વહિવટી તંત્ર દ્વારા પાણીની સમસ્યા વિકટ ના બને તે માટે પ્રયત્ન કરવા જોઈએ. ભર ઉનાળામાં નર્મદા યોજના બે મહિના બંધ રહેશે ત્યારે કચ્છ ના અનેક વિસ્તારોમાં પાણી ની સમસ્યા વિકટ બની શકે તેમ છે.

 

Comments

COMMENT / REPLY FROM