Trending News
સ્થાનિક સમાચાર

જો પોલીસ-માવતર જાગશે નહી તો ગાંધીધામ સંકુલમાં  મધરાતે મોટો કોમી ડખ્ખો સર્જાશે : પ્રબુદ્ધવર્ગની લાલબત્તી

24 September



જોડીયાનગર આદીપુર-ગાંધીધામ સંકુલમાં નવી ફેશન ફાટી નીકળી : રાત્રીના ૧ર વાગ્યા બાદ પૈસાદાર મા-બાપની વંઠેલી ઓલાદોના ઠેર-ઠેર જામે છે મેળાવડા..! : રાત્રીના બાર વાગ્યા બાદ રોટરી સર્કલ આસપાસમાં, પારખ સર્કલ પાસે, ચાવલા ચોક સહિતના ચાર રસ્તાઓ પર નવયુવાનો-યુવતીઓની જામતી મહેફીલમાં 
રોજ-બરોજ ઝરતા લડાઈ-ઝઘડાના તણખલા પોલીસ માટે મોટું માથાનો દુખાવારૂપ હુલ્લડ ન બની જાય તે જોવુ જરૂરી..




ચા-કોફી-ઠંડા-પીણાની ચુસ્કીઓ કે નાસ્તાના નામે રાત્રીના ૧ર વાગ્યા બાદ ભેગા થતા આ યુવાનોને નશાના રવાડે તો નથી ચડાવાઈ રહ્યા ને? જાણકારો કહી રહ્યા છે કે, અમુક વિસ્તારોમાં તો સફેદ પાવડરની પડીકીઓના પણ થાય છે મોટો વેપલા : મોડી રાતે ભેગા થતા નબીરાઓમાં  આ જ દુષણના લીધે મન-મુટાવ પણ નાની મોટી વાતે સતત થતા હોવાની છે ચર્ચા

ઝઘડા-મારકુટના બનાવો અનેકવાર બની ચૂકયા છે તે પછી પણ પોલીસ અને બગડેલી ઓલાદના પૈસાવાળા મા-બાપ કેમ સમજતા જ નથી?



ગાંધીધામ : પૂર્વ્‌ કચ્છના ઔદ્યેાગીક પાટનગર ગાંધીધામ સંકુલની સાથે જોડીયાનગર આદિપુરમાં એક નવી સડ્ડારૂપ ફેશન ફાટી નીકળી છે. રાત્રીના ૧ર વાગ્યા બાદ સંકુલના પૈસાદાર માબાપના બગડેલા નબીરાઓ-યુવતીઓ નાસ્તા-ચાની ચુસ્કીના નામે શહેર-સંકુલના મુખ્ય ચાર રસ્તાઓ પર ભેગા થાય છે અને તે મોડી રાત સુધી બેઠા રહે છે. જો પોલીસ અને માવતર વેળાસર જ જાગશે નહી તો મધરાતે સંકુમાં કોમી હુલ્લડ જેવો ડખ્ખો થતા વાર નહી થાય તેવી લાલબત્તી પ્રબુદ્ધવર્ગ ધરી રહ્યો છે.
આ બાબતે સંકુલના પ્રબુદ્ધવર્ગ દ્વારા ધરવામા આવતી લાલબત્તીની વાત કરીએ તો શહેરના ચાર રસ્તાઓ, મોકકાની ચોકડી પર આવેલી અમુક હેાટેલો કે અમુક ઠામામેમાં મોડી રાત્રે ૧ર વાગ્યા બાદ અમુક લવરમુછીયા કહો કે પછી પૈસાદાર મા-બાપની બગડેલી ઓલાદો  કહો, મોટા પ્રમાણમાં રાત્રે ભેગા થઈ રહ્યા હોવાનુ ચિત્ર ઉપસવા પામી રહી છે. અને આ પૈકીના કેટલાક જગ્યાઓ-ઠામો પર તો નાસ્તાઓ અને ચા-કોફીની ચુસ્કીઓના નામે નશાની પડીકીઓનું જ ચલણ વધારે રહેતુ હોવાનુ મનાય છે. શહેરમાં પૈસાદાર માબાપની વંઠેલી ઓલાદો મોડી રાતે આવી જગ્યાએ, ખાણીપીણાના સ્ટોલના નામે નશાની પડીકીઓના જ આદી બની રહ્યા હોવાથી રોજ-બરોજ માવતરની અજાણતાથી પહોચી રહ્યા છે. અને આવી જગ્યાએ નવયુવાનો-યુવતીઓના મેળાઓ જામતા હોવાથી નાની-મોટી વાતે બોલાચાલી, ચકમક-તુ..તુ..મે..મે..પણ રોજીદી બની જવા પામી ગઈ છે અને કેટલીક વખત તો રાત્રીના સમયે અહી સામસામે ધીંગાણાઓ-મારામારી પણ થવા પામી જતી હોવાનુ ચર્ચાય છે. માલેતુજાર મા-બાપના બગડેલી ઓલાદો હોવાથી મામલો પોલીસ મથક સુધી પહોચતો નથી પરંતુ હવે જો પોલીસતંત્ર અને સંકુલના માવતર ખુદ પણ જાગૃત બની રહે તો અહી મધરાતે મોટો કોમી  ઝઘડો થતા પણ વાર નહી લાવે. 
જાણકારો કહી રહ્યા છે કે, ઓમ સિનૈ પ્લેકસ પાસેના ચાર રસ્તાઓ, પારેખ સર્કલ તથા રોટરી સર્કલ કે પછી શહેરમાં ચાવલા ચોક સહિતના અલગ અલગ વિસ્તારોમાં રાતના શહેરના લોકો ગાઢ નિંદ્રામાં હોય છે ત્યારે જ અહીના અમુક પૈસાદાર માબાપના બગડેલા નબીરાઓની સવાર પડતી હોય તેમ રાત્રીના ૧ર વાગ્યા બાદ  ઠેર-ઠેર ભેગા થવા પામતા હોય છે. જે મોડી રાત સુધી સાથે રહે છે. આવા વિસ્તારોમાં ડ્રગ્સની પડીકીઓ-સફેદ પાવડરની થેલીઓના પણ વેચાણનું ચલણ હોવાનુ મનાય છે. કહેવાય છે કે અહી ભેગા થતા આ યુવાનો કયારેક ગાડી રાખવાના બહાને તો કયારેક અન્ય કોઈ વાતે નાની મોટી ચકમક રાત્રીના સમયે ઝરતી જ રહેતી હોય છે. જો આ બાબતે વેળાસર જ પોલીસતંત્ર ગંભીર નહી બને તો અહી મધરાતે કયારેક મોટો કોમવાદી ડખ્ખો પણ ઉભો થવા પામી જાય જે પોલીસ માટે માથાનો દુખાવારૂપ બની શકે તેમ હોવાનુ પણ જાણકારો કહી રહ્યા છે. મોડી રાતે યુવાનો ભેગા થાય છે, તે પૈકીના કેટલાક વિસ્તારોમાં નશાના પડીકાઓને વેચાણ કે સેવન કરવુ અને તે બાદ દાદાગીરી-લુખ્ખાગીરઓ પણ થવા પામતી હોવાનુ ચચર્ચાય છે. ખરેખર રાત્રીના બાર વાગ્યા બાદ નાસ્તાવાળા કે અન્ય ચા-રેસ્ટોરેન્ટવાળાઓને ખુલ્લા રાખવાની કોઈ જ જરૂર નથી તો પછી પોલીસ કેમ આ બાબતે કડક કાર્યવાહી નથી કરતી? પોલીસે આ બાબતે ગંભીરતાને ધ્યાને લઈ અને મધરાતે બહાર નીકળતા પૈસાદરા મા બાપના બગડેલા ઓલાદોને સીધા દોર કરવાની દીશામાં લાલઆંખ કરવી જ ઘટે.

.........


એસપીશ્રી જાગે, ખુદ રાત્રીના પ્રાઈવેટ વાહનમાં શહેર-સંકુલમાં મારે લટાર..!



ગાંધીધામ : પૂર્વ કચ્છના એસપીશ્રી સાગર બાગમાર કાયદો વ્યવસ્થાને નિયંત્રિત રાખવાની દીશામાં કડક કાર્યવાહી સતત કરી રહ્યા છે. પોલીસ પ્રજાનો મિત્ર છે તેની ઉકિતને સાર્થક કરવા પણ તેઓ પ્રયત્નશીલ રહ્યા છે. આવમામાં હવે રાત્રીના સમયે શહેરમાં અમુક માલેતુજાર માબાપની બગડેલી ઓલાદો ભેગી થઈ અને જે ધીંગાણાઓ કરી રહ્યા છે તેને હળવાશથી લેવાના બદલે તેની ગંભીરતા સમજી અને ખુદ એસપીશ્રી રાત્રીના કોઈ પ્રાઈવેટ વાહનમાં શહેરના ઓમ સિનેપ્લેકસ પાસેના ચાર રસ્તાઓ પાસે મોડી રાત સુધી બેઠા રહેતા આવા નબીરા-યુવતીઓના પુછાણા લે, નહી તો સકુલમાં ફાટી નીકળેલી આ નવી ફેશન પોલીસ માટે મોટી મુસીબત ઉભી કરતા પણ વાર નહી કરે..!

Comments

COMMENT / REPLY FROM