રાપરમાં લાંબા સમય બાદ એલસીબીએ દારૂ પર રેડ કરી અને બોલાવી તવાઈ, વહીવટદાર બદલાયો અને દારૂની હેરફેર પર ધોંષ શરૂ થઈ ગઈ..!

કાર મૂકીને ચાલક ફરાર, ત્રણ સામે ગુનો


રાપર : પૂર્વ કચ્છ લોકલ ક્રાઈમ બ્રાન્ચની ટીમે રાપરના કાનપર ગામના શ્મશાન પાછળના ખેતરમાં બાતમીના આધારે દરોડો પાડી વિદેશી દારૂનો મોટો જથ્થો ઝડપી પાડ્યો છે. ફોર્ચ્યુનર ગાડી (ય્ત્ન-૧૮-મ્‌-૨૫૦૨) નો ચાલક પોતાની ગાડીમાં વિદેશી દારૂની અલગ-અલગ બ્રાન્ડની ૧૮૦ મિલીની ૪૭૦૦ બોટલ તથા ૭૫૦ મિલીની ૧૦૮ બોટલ (કુલ કિંમત રૂા. ૬,૪૮,૫૨૦) ભરીને હેરાફેરી કરતો હતો, જે પોલીસને જોઈને ગાડી મૂકીને નાસી છૂટ્યો હતો. આ પ્રકરણમાં મનજી માવજી કોલી (રહે. રાપર), પરબત દેવા ભરવાડ (રહે. રાપર) તથા ગંગારામ વેરશી કોલી (રહે. ફતેહગઢ) વિરુદ્ધ પ્રોહિબિશન એક્ટ હેઠળ ગુનો નોંધી વધુ તપાસ હાથ ધરવામાં આવી છે.