Home Blog Page 88

ગાંધીધામ સેકટર વન-એમાં ગુટખાના વેપારી પર SGSTની તવાઈ : તપાસથી કરચોરોમાં ફફડાટ

0

પ્લાસ્ટીક પેકીંગના બદલે કાગળ પેકીંગથી વેંચાણ કરવાના સરકારના આદેશો બાદ ગુટખા-તમાકુના વેપારમાં થઈ રહેલા કાળા બજારના પગલે જીએસટીની ટીમોના રડારમાં ગુટખા-તમાકુના વેપારી હોવાની ચર્ચા

ગાંધીધામ : તા. ૧ એપ્રિલથી દેશભરમાં પ્લાસ્ટીક પેકિંગમાં વેચાતા ગુટખા-તમાકુ પર પ્રતિબંધ લગાવવાના અને કાગળના પેકિંગમાં જ વેચવાના સરકારના આદેશથી છેલ્લા કેટલાંક દિવસોથી પ્લાસ્ટીક પેકિંગ ગુટખા-તમાકુના
વેપારમાં થઇ રહેલાં કાળા બજારને પગલે ગુટખા-તમાકુના ભાવ આસમાને પહોંચ્યા છે. જેના કારણે ગુટખા-તમાકુના હોલસેલના વેપારીઓ વેચાણ વેરા વિભાગના નજરે ચઢ્યા છે. જેમાંથી ગાંધીધામ સંકુલ પણ બાકાત રહેવા પામ્યુ ન હોય તેમ અહી પણ સેકટર વન એ વિસ્તારમા આવેલી ગુટખાની એક પેઢી પર સ્ટેટ જીએસટી એકમની ટીમ દ્વારા તવાઈ બોલાવવામાં આવી હોવાના અહેવાલો સામે આવવા પામી રહ્યા છે. શહેરના સેકટર વન એ વિસ્તારમાં ગુટખાનો વેપાર કરતી પેઢી પર રાજયના વાણિજય વેરા વિભાગની તપાસનીશ ટુકડીએ ઓંચિતી રેડ કરી હોવાનુ માલુમ પડી રહ્યુ છે. શુક્રવાર એટલે કે ગઈકાલે બપોર શહેરના સેકટર વન એ વિસ્તારમાં આવેલી ગુટખા સલગ્ન એક પેઢીમાં જીએસટી વિભાગના અધિકારીઓ ત્રાટકયા હતા અને છાનબીન શરૂ કરી હતી. જો કે, આ અંગે અધિકારીઓએ વધુ વિગતો આપવાનો ઈન્કાર કરી દીધો હતો.પરંતુ કયાંક ને કયાંક ગુટખાની પેઢીઓમાં બિનહિસાબી વેપાર ચાલતો હોઈ તેમજ મોટા પ્રમાણમાં કરચોરી કરાતી હોવાની પણ આશંકાઓ સમયાંતરે સામે આવતી જ રહેતી હોય છે. અધિકારીઓ આ બાબતે વધુ વાત જ ન કરતા કેટલી કરચોરી પકડાઈ છે, બિનહિસાબી વ્યહવારો મળ્યા છે કે નહી? તથા દંડની કોઈ કાર્યવાહી કરવામાં આવી છે કે કેમ? તે સહિતના સવાલોના જવાબ નિરૂત્તર જ રહી જવા પામ્યા છે. જો કે, ગુટખાના વેપારીને ત્યા જીએસટીની ટીમ આવી હોવાની વાત જંગલમાં આગની માફક ફેલાઈ જવા પામતા અન્ય કરચોર તત્વોમા ફફડાટ ફેલાઈ જવા પામ્યો હતો.

કચ્છના ૧૬૦૦ થી વધુ બુઝુર્ગ મતદારો સંપર્ક વિહોણા બન્યાનું ઉજાગર

0

  • ૮૦ વર્ષથી વધુ વયના મતદારોને સન્માનવા ટાંકણે વિગત આવી સામે

મતદારના મૃત્યુ, અન્ય સ્થળે રહેણાંક બદલ્યા બાદ નામ કમી ન કરાવ્યાનું તારણ : ચૂંટણી તંત્રે ફોર્મ – ૭ ભરી નામ કમી કરવાની હાથ ધરી કામગીરી

(બ્યુરો દ્વારા)ભુજ : ગુજરાત વિધાનસભાની ચૂંટણીને આડે ત્રણેક માસ જેટલો સમય બાકી રહ્યો હોઈ રાજકીય પક્ષોની સાથોસાથ ચૂંટણી તંત્ર પણ હરકતમાં આવી ગયું છે. હાલમાં જ ચૂંટણી પંચની સુચના અનુસાર ખાસ મતદાર યાદી સંક્ષિપ્ત સુધારણા ઝુંબેશ પણ હાથ ધરવામાં આવી હતી. વિધાનસભાની ચૂંટણીમાં ૮૦ ધવર્ષથી વધુની ઉંમરના વરિષ્ઠ નાગરિકો મતદાન કરે અને યુવાનોને પ્રેરણા મળે તે હેતુથી ૮૦ વર્ષથી વધુ ઉમરના મતદારોને શુભેચ્છા પત્ર પાઠવી વિધાનસભા ચૂંટણીમાં મતદાન કરવા માટે પ્રોત્સાહિત કરાયા હતા, ત્યારે આ ઝુંબેશ દરમ્યાન ૧૬૦૦ થી વધુ બુઝુર્ગ મતદારો સંપર્ક વિહોણા બન્યાનું ઉજાગર થવા પામ્યું છે.આ અંગેની વિગતો મુજબ કચ્છ જિલ્લાની છ સહિત રાજ્યની ૧૮ર વિધાનસભા બેઠકો પર આગામી સમયમાં ચૂંટણી યોજાનાર છે. લોકશાહીના મહાપર્વ એવા વિધાનસભાની ચૂંટણીમાં મતદાર યાદીમાં નોંધાયેલા તમામ મતદારો પોતાના મતાધિકારનો ઉપયોગ કરે તે માટે ચૂંટણીપંચ અત્યારથી જ સક્રિય બન્યું છે. સિનિયર સિટીઝનો તેમાં પણ ખાસ કરીને ૮૦ વર્ષથી વધુની ઉમરના મતદારો મતદાન કરે તે માટે તૈયારીઓ શરૂ કરી દેવામાં આવી છે. ચૂંટણી પંચના આદેશાનુસાર કચ્છ જિલ્લા મુખ્ય ચૂંટણી અધિકારી અને નાયબ જિલ્લા ચૂંટણી અધિકારી દ્વારા જિલ્લાની છ વિધાનસભા બેઠક પર નોંધાયેલા ૮૦ વર્ષથી વધુની ઉમરના ૩પ૧૮૦ મતદારો મતદાન કરે તે માટે તેઓને પત્ર લખવામાં આવ્યા હતા. બીએલઓ મારફતે આ પત્રો તમામ મતદારો સુધી પહોંચતા કરાયા છે. આવા મતદારો પ૦ વર્ષથી વધુ સમયથી મતદાન કરી રહ્યા છે તે માટે તેઓને શુભેચ્છા પણ પાઠવવાની સાથોસાથ આ સિનિયર સીટીઝન મતદારો ચૂંટણીમાં મતદાન કરે અને યુવાનોને મતદાન કરવા માટે પ્રેરણા પુરી પાડે તે માટે વિનંતી પણ કરાઈ હતી. જો કે આ કામગીરી દરમ્યાન ૧૬૦૦ થી વધુ
બુઝૂર્ગ સંપર્ક વિહોણા બન્યાની પણ માહિતી મળવા પામી છે.આ બાબતે કચ્છના ચૂંટણી વિભાગના સુત્રોએ કે, ચૂંટણી પંચના આદેશ મુજબ કચ્છ જિલ્લામાં પણ ૮૦ વર્ષથી વધુ ઉમરના ૩પ૧૮૦ મતદારોને બીએલઓ મારફતે ઘરે જઈને શુભેચ્છા પત્ર પાઠવવામાં આવ્યા હતા. આ પત્ર પાઠવતી વેળાએ કચ્છની છ વિધાનસભા બેઠકો પર ૧૬૦૦ થી વધુ બુઝુર્ગ મતદારોનો સંપર્ક થઈ શકયો ન હતો. મતદારના મૃત્યુ, અન્ય સ્થળે રહેણાંક બદલ્યા બાદ નામ કમી ન કરાવ્યાના કારણે આ સ્થિતિ સર્જાઈ હોઈ ચૂંટણી તંત્રે ફોર્મ – ૭ ભરી નામ કમી કરવાની કામગીરી હાથ ધરી છે.

 

દિપાવલી પર્વ : કચ્છની ટ્રેનોમાં હાઉસફુલના પાટિયા

0

એડવાન્સ બુકીંગ માટે અત્યારથી ભારે ધસારો : વેકેશન ઉપરાંત તહેવારોના પગલે કચ્છ મુંબઈ વચ્ચે દોડતી કચ્છ એક્સપ્રેસ, સયાજીનગરી સહિતની ટ્રેનોમાં વધતું વેઈટીંગ : નવરાત્રીને પગલે મુંબઈગરાઓ માદરે વતન આવ્યા હોઈ અત્યારથી ટ્રેનોમાં જોવા મળી રહ્યો છે ટ્રાફિક : હવાઈ મુસાફરોની સંખ્યામાં સારો એવો વધારો

ભુજ : નવલા નોરતાની સાથે તહેવારોની મોસમ શરૂ થઈ ગઈ છે. દિવાળીને આડે એક માસ કરતા ઓછો સમય બાકી રહ્યો હોઈ દિપોત્સવી, નૂતન વર્ષ સહિતના પર્વો માટે પણ લોકો સજ્જ બની રહ્યા છે. દિવાળીની સાથે કચ્છમાં પ્રવાસન ઉદ્યોગની મોસમ પણ શરૂ થશે ત્યારે અત્યારથી જ આ માટે બુકીંગ શરૂ થઈ ગયા હોઈ કચ્છની ટ્રેનોમાં દિપોત્સવી પર્વ દરમ્યાન હાઉસફુલના પાટિયા જોવા મળી રહ્યા છે. એડવાન્સ બુકીંગ માટે ભારે ધસારો હોઈ કચ્છ એકસપ્રેસ, સયાજીનગરી સહિતની ટ્રેનોમાં વેઈટીંગ વધતું જઈ રહ્યું છે.આ અંગેની વિગતો મુજબ કચ્છીજનો ધંધા – રોજગાર અર્થે દાયકાઓથી મુંબઈ સહિત મહારાષ્ટ્રના વિવિધ વિસ્તારોમાં સ્થાયી થયા છે. અન્ય રાજ્યોમાં પણ કચ્છીઓની સંખ્યા નોંધપાત્ર છે. વાર તહેવારો તેમજ વેકેશન દરમ્યાન આ લોકો માદરે વતન આવતા હોય છે. તેવી જ રીતે કચ્છમાં સ્થાયી થયેલા પરપ્રાંતિય લોકો પણ પોતાના વતન તરફ ડગ માંડતા હોય છે. જેના લીધે ઉનાળુ તેમજ દિવાળી વેકેશન દરમ્યાન કચ્છની ટ્રેનોમાં ભારે ધસારો જોવા મળતો હોય છે. આ સરહદી જિલ્લો પર્યટન ઉદ્યોગના હબ તરીકે ઉપસી આવ્યો છે ત્યારે દર વર્ષે દિપોત્સવી પર્વની સાથોસાથ પર્યટન ઉદ્યોગના મહાપર્વ એવા રણોત્સવનો પણ
પ્રારંભ થતો હોઈ પ્રવાસીઓ પણ મોટી સંખ્યામાં કચ્છની મુલાકાતે આવતા હોય છે. આગામી ર૧ ઓકટોબરથી દિપોત્સવીના પંચપર્વનો પ્રારંભ થશે. તો ર૬ ઓકટોબરથી રણોત્સવનો પણ ધમધમાટ શરૂ થશે.દિપોત્સવી પર્વ ઉપરાંત પર્યટનની મોસમના પગલે અત્યારથી જ બુકીંગ શરૂ થઈ ગયા હોઈ કચ્છથી મુંબઈ જતી તેમજ અન્ય વિસ્તારોને જોડતી ટ્રેનોમાં બુકીંગ માટે ભારે ધસારો જોવા મળી રહ્યો છે. દિપોત્સવી પર્વના દિવસોમાં તો વેઈટીંગની સ્થિતિ પણ સર્જાઈ છે. ટ્રેન ઉપરાંત હવાઈ મુસાફરોની સંખ્યામાં પણ અત્યારથી જ વધારો થયો છે. નવરાત્રીને પગલે મુંબઈગરાઓ માદરે વતન આવ્યા હોઈ અત્યારથી ટ્રેનોમાં સારા પ્રમાણમાં ટ્રાફિક મળી રહ્યો છે.

રાજ્ય સરકાર ખેડૂતો પાસેથી લઘુતમ ટેકાના ભાવથી બાજરીની સીધી ખરીદી કરશે

0

રાજ્ય સરકાર દ્વારા લઘુતમ ટેકાના ભાવે ખરીફ  માર્કેટિંગ સિઝન ૨૦૨૨-૨૩ માં ડાંગર,મકાઈ, બાજરીની ખરીદી આગામી તા.૧૭-૧0-૨૦૨૨ થી તા.૩૧-૧૨-૨૦૨૨ દરમિયાન ડાંગર માટે ૯૮, મકાઈ માટે ૬૭, અને બાજરી માટે ૮૯ જેટલા ગુજરાત રાજ્ય નાગરિક પુરવઠા નિગમ લી.ના ખરીદ કેન્દ્રો ખાતે કરવામાં આવનાર છે.

ભારત સરકાર દ્રારા લઘુત્તમ ટેકાના ભાવ ડાંગર (કોમન) માટે રૂ.૨૦૪૦/- પ્રતિ ક્વિન્ટલ, ડાંગર (ગ્રેડ-એ) માટે રૂ. ૨૦૬૦/- પ્રતિ ક્વિન્ટલ, મકાઈ માટે રૂ.૧૯૬૨/- પ્રતિ ક્વિન્ટલ અને બાજરી માટે રૂ.૨૩૫૦/- પ્રતિ ક્વિન્ટલ નિયત કરેલ છે. લઘુતમ ટેકાના ભાવે વેચાણ કરવા ઈચ્છા ધરાવતા ખેડૂતોની ઓનલાઈન નોંધણી સમગ્ર રાજ્યમાં સ્થાનિક ગ્રામ્ય કક્ષાએ વી.સી.ઈ. ધ્વારા/ગોડાઉન કક્ષાએ તા. ૦૧-૧૦-૨૨ થી ૩૧-૧૦-૨૨ સુધી ચાલુ રહેશે. જે મુજબ નોંધણી કરાવવા તમામ ખેડૂતોને જાણ કરવામાં આવે છે. નોંધણી માટે જરૂરી પુરાવા જેવા કે, આધારકાર્ડની કોપી, બેંક પાસબુકની કોપી અથવા કેન્સલ ચેક (IFSC CODE સહિતનો) જેમાં ખેડૂતના નામ, એકાઉન્ટ નંબરનો ઉલ્લેખ હોવો જોઈએ, અધતન ગામ નમૂનો ૭/૧૨ અને ૮-અની ઓનલાઈન પ્રમાણિત નકલ, ગામ નમૂના ૧૨માં પાકની  વાવણી અંગેનો તલાટીનો દાખલો (સહી સિક્કા સાથે) રજુ કરવાનો રહેશે. ખેડૂતોને તેમનો જથ્થો સાફસુફ તથા ચારણો કરી તેમજ તેમાં ભેજનું પ્રમાણ નિયત મર્યાદામાં રહે તે માટે જરૂરી જણાયે તડકામાં સુકવી ખરીદ કેન્દ્ર ખાતે લાવવાનો રહેશે. જેથી ખેડૂતોનો જથ્થો અસ્વીકૃત ન થાય. નોંધણી બાબતે કોઈ મુશ્કેલી જણાય તો હેલ્પ લાઇન નંબર ૮૫૧૧૧૭૧૭૧૮ તથા ૮૫૧૧૧૭૧૭૧૯ ઉપર સંપર્ક કરવાનો રહેશે. તેમજ ખરીદ કેન્દ્ર ખાતે બારદાન અંગેનો કોઈ ખર્ચ ખેડૂતે ભોગવવાનો રહેતો નથી તેવું નાયબ જિલ્લા મેનેજર (ગ્રેડ-૨) ગુ.રા.ના.પુ.નિ.લી, ભુજ-કચ્છ દ્વારા જણાવાયું છે.

વિકાસને વેગવંતો બનાવવા આપણે હંમેશા તત્પર રહીએ- વિધાનસભા અધ્યક્ષાશ્રી ડો. નિમાબેન આચાર્ય

0

રૂ.૪.૯૬ કરોડના ખર્ચે તૈયાર થનાર વિવિધ સીસીરોડનું વિધાનસભા અધ્યક્ષાશ્રીએ ખાતમુહૂર્ત કર્યું

આજરોજ ભુજ નજીક હરિપર ખાતે નિર્માણ થનારા વિવિધ સીસીરોડનું વિધાનસભા અધ્યક્ષાશ્રીડો. નિમાબેન આચાર્યે ખાતમુહૂર્ત કર્યું હતું

આ પ્રસંગે વિધાનસભા અધ્યક્ષાશ્રી ડો. નિમાબેન આચાર્યએ જણાવ્યું હતું કે ભુજ શહેરના વિવિધ વિસ્તારોમાં સીસી રોડ બનાવવામાં આવી રહ્યાં છે ત્યારે આપણે વિકાસમાં ભાગીદાર બનીએ અને વિકાસને વેગવંતો બનાવીએ.

વધુમાં જણાવ્યું હતું કે, આપણા લોકલાડીલા વડાપ્રધાનશ્રી નરેન્દ્રભાઇ મોદીની દીર્ધદ્રષ્ટિમાં ગામે ગામ અને શહેરે શહેરોમાં ઝડપી વિકાસ થઈ રહ્યો છે આપણે પણ આ વિકાસમાં ભાગીદાર બનીએ અને આગળ વધીએ.

આ પ્રસંગે નગરપાલિકા પ્રમુખશ્રી ઘનશ્યામભાઈ ઠક્કરે જણાવ્યું હતું કે, ભુજ વિસ્તારના વિવિધ વિકાસકામોની વાચા આપવા માટે આપણે હંમેશા તત્પર રહીએ. વધુમાં તેમણે જણાવ્યું હતું કે, આપણે જે નવી નવી ગ્રાન્ટો મંજૂર થાય છે તે તેમાં આપણા વિધાનસભાના અધ્યક્ષાશ્રી ડો. નિમાબેન આચાર્યનો સિંહ ફાળો છે.

આ પ્રસંગે નગરપાલિકા બાંધકામ સમિતિ ચેરમેનશ્રી મનુભા જાડેજા, કાઉન્સેલરશ્રી સંજયભાઇ ઠક્કર, અગ્રણી સર્વશ્રી બાલકૃષ્ણ મોતા, ગોદાવરી બેન ઠક્કર શાસક પક્ષના નેતાશ્રી અશોકભાઈ પટેલ, તેમજ કાઉન્સિલરો અગ્રણીઓ અને ગ્રામજનોઓ ઉપસ્થિત રહ્યાં હતાં.

અજરખપુરમાં ૮ ઓકટોબરથી ત્રિદિવસીય એલએલડીસી ફેસ્ટિવલ ઓફ મ્યુઝિક યોજાશે

0

ભુજ : તાલુકાના અજરખપુર ખાતે આવેલા શ્રુજન સંચાલિત એલએલડીસી મ્યુઝિયમ દ્વારા આગામી તા. ૮ ઓક્ટોબરથી ૧૦ ઓક્ટોબર સુધી એલએલડીસી ફેસ્ટિવલ ઓફ મ્યુઝિક ૨૦૨૨ યોજવામાં આવશે.
શ્રૃજન એલએલડીસી દ્વારા કચ્છની હસ્તકળા અને પરંપરાગત લોક સંગીતની જાળવણી માટે સતત પ્રયત્નો થતાં રહે છે ત્યારે તા. ૮ ઓક્ટોબરના સાંજે ૬ વાગ્યાથી શરૂ થનારા ત્રિદિવસીય સંગીત મહોત્સવમાં દરરોજ પ્રથમ ચરણમાં કચ્છી તેમજ રાજસ્થાની લોક સંગીતના સૂર રેલાશે. તો બીજા ચરણમાં જાણીતા કલાકારો દ્વારા સૂફી સંગીત, કંટેમ્પરરી ફ્યૂઝન તેમજ મોર્ડન સંગીત પીરસાશે. પ્રથમ દિવસે રાજસ્થાનના માંગણીયાર પરંપરાના જાણીતા કલાકાર પિરૂખાન અને તેમના લોક કલાકારોના ગ્રુપ દ્વારા રાજસ્થાની લોકસંગીત રજૂ કરવામાં આવશે. બીજા ચરણમાં બોલીવુડ ફિલ્મ સુલ્તાન અને એમેઝોન પર આવેલ સિરીઝ ર્મિજાપુરમાં જેમણે ગીત ગાયા છે તેવા ગાયિકા ઈપષિતા ચક્રવર્તીના ગ્રુપ દ્વારા શ્રોતાઓને મોર્ડન સંગીત પીરસાશે. અત્રે ઉલ્લેખનીય છે કે ઈષિતા ચક્રવર્તી ૧૮૦ ટકા સ્પીકર પણ રહી ચૂક્યા છે. બીજા દિવસે કલા વારસો ટ્રસ્ટ ગ્રુપના કલાકારો દ્વારા કચ્છની પરંપરાગત અને સમૃધ્ધ સંસ્કૃતિને ઉજાગર કરતું લોક સંગીત રજૂ કરવામાં આવશે. ત્યારબાદ જેમના દ્વારા હિન્દી, તામિલ અને અંગ્રેજી મ્યુઝીક આલ્બમો બહાર પડાયા છે, તેવા “સેડો અને લાઇટ” ના અનિંદો બોઝ અને પવિત્રાચારી નું ગ્રુપ કંટેમ્પરરી ફ્યૂઝનથી શ્રોતાઓને મંત્રમુગ્ધ કરશે.
આ મ્યુઝીક ફેસ્ટીવલના અંતિમ દિવસે કચ્છના જાણીતા કલાકાર કે જેમણે ગુજરાતી ફિલ્મ ‘હેલ્લારો’ માં ગીત ગાયું છે અને કબીર પ્રોજેક્ટ, માટીબાની તેમજ કોક સ્ટુડિયો માં પ્રસિદ્ધિ પામ્યા છે, તેવા મૂરાલાલા મારવાડા અને તેમનું ગ્રુપ પોતાની આગવી શૈલીમાં કબીર વાણી અને કચ્છી લોક સંગીત રજૂ કરશે. તો બીજા ચરણમાં જાણીતા ગાયક અને ગીત લેખક કે જેઓ હિદુસ્તાની શાસ્ત્રીય સંગીતમાં ગાંધર્વ મહાવિદ્યાલય, દિલ્હીથી પ્રશિક્ષેત છે એવા હરપ્રીત સિંઘ સૂફી સંગીત રજૂ કરશે. કચ્છના પરંપરાગત લોક સંગીતકારોને પ્રોત્સાહન મળી રહે તે માટે યોજાનાર આ કાર્યક્રમમાં સંગીત પ્રેમીઓ બહોળી સંખ્યામાં જાેડાય તેવી અપીલ છે. આ માટેના ઓનલાઈન પાસ એલએલડીસીની વેબસાઈટ ઃ ુુુ. જરિેદ્ઘટ્ઠહઙ્મઙ્મઙ્ઘષ્ઠ. ર્ખ્તિ પરથી મેળવી શકાય છે.

મુખ્યમંત્રીશ્રી ભૂપેન્દ્રભાઈ પટેલ કચ્છ જિલ્લાના પ્રવાસે

0
image description

મુખ્યમંત્રીશ્રી ભૂપેન્દ્રભાઈ પટેલ તારીખ ૧ ઓક્ટોબરના રોજ કચ્છ જિલ્લાની મુલાકાતે આવી રહ્યા છે. તેઓ ૧ ઓક્ટોબરના રોજ બપોરે ૨.૦૦ કલાકે કંડલા એરપોર્ટ ખાતે આવી પહોંચશે. મુખ્યમંત્રીશ્રી ગાંધીધામ ખાતે એનેક્સી ભવનનું ઉદ્ઘાટન કરશે. ત્યારબાદ તેઓ અંજાર ખાતે વેલસ્પન કંપનીના પ્લાન્ટના ઉદ્ઘાટન પ્રસંગે હાજરી આપશે. આ કાર્યક્રમ બાદ તેઓ ભદ્રેશ્વર અને હાટડી ગામ ખાતે પોર્ટ બિઝ ઈન્ડસ્ટ્રીયલ પાર્કના ઉદ્ઘાટન પ્રસંગે ઉપસ્થિત રહેશે. ત્યારબાદ મુખ્યમંત્રીશ્રી અનુકૂળતાએ માતાના મઢ ખાતે દર્શનાર્થે જશે. ત્યારબાદ સાંજે ૬.૦૦ કલાકે ભુજ એરપોર્ટથી ગાંધીનગર જવા રવાના થશે.

વિધાનસભાના અધ્યક્ષા ડો. નિમાબેન આચાર્યની સતત રજૂઆત બાદ બાકી રહેતી દુધઈ સબ બ્રાન્ય કેનાલને મળી મંજૂરી

0

image description

ભુજ : નર્મદાના ૧ મીલીયન એકર ફીટ પાણીની આ દુધઈ સબ બ્રાન્ચ કેનાલની ર૩ કી.મી. સુધીની કામગીરી પૂર્ણ કરવામાં આવેલ છે જયારે બાકીની ૬૮ કી.મી. સુધીની લંબાઈની કામગીરી બાકી હતી જે અટવાઈ હતી, જે માટે વિધાનસભા અઅધ્યક્ષા ડૉ. નિમાબેન આચાર્યેે પોતાને ત્યાં અધિકારીઓ, મંત્રીઓની મિટીંગ બોલાવી હતી અને આ કામગીરી ઝડપી પૂર્ણ થાય તો કચ્છ જિલ્લાને નર્મદાનું ૧ મીલીયન એકર ફીટ પાણીનું સંપૂર્ણ વિતરણ કરી શકાય તેવુું જણાવ્યું હતું. આ કામગીરી ઝડપી પૂર્ણ કરવા માટે કચ્છના પ્રજાજનો અને કિસાન સંઘની સતત રજુઆત અને લાગણી તથા માગણી હતી, જે માટે નીમાબેન આચાર્યએ સંબંધિત અધિકારીઓ, મંત્રીઓ તેમજ મુખ્યમંત્રી કક્ષાએ પણ વારંવાર અસરકારક રજુઆત કરી આ કામ સત્વરે પૂર્ણ થાય તે દિશામાં પ્રયત્નો કર્યા હતા, જેના પરિણામે આ બાકીની ૬૮ કી.મી. દુધઈ સબ બ્રાન્ચ કેનાલની કામગીરી સરદાર સરોવર નર્મદા નિગમ દ્વારા ખુલ્લી કેનાલ કરવામાં આવશે તેવા આદેશ રાજય સરકારે કર્યા છે. આ કામના ટેન્ડર પણ બહાર પાડવામાં આવ્યા છે, જેની ટુંક સમયમાં વહીવટી પ્રકિયા પૂર્ણ કરી ખાતમુહૂર્ત કરી કામ ચાલુ કરવામાં આવશે આ વિસ્તાર ખારો પટ હતો. પાણીના તળ ઉંડા ગયા હતા. હવે આ ખુલ્લી કેનાલ બનવાથી આ વિસ્તાર નવપલ્લવિત થશે અને લોકોને પીવાનું મીઠું પાણી મળશે તથા સિંચાઈની સગવડો પણ ઉભી થશે. ઉપરોકત બાકી રહેતી ૬૮ કી.મી. બ્રાન્ય કેનાલ મંજુર કરવા બાભતે કચ્છ જિલલા ભાજપ પ્રમુખ કેશુભાઈ પટેલ અને કચ્છના સાંસદ વિનોદભાઈ ચાવડાએ પણ સાથે રહી પ્રયાસ કર્યા હતા. ઉપરોકત બાકીની બ્રાન્ચ કેનાલ મંજુર થતા કચ્છની પ્રજામાં ખુશીની લાગણી ફેલાઈ છે. અધ્યક્ષા નિમાબેન આચાર્યે મુખ્યમંત્રીએ અંગત રસ લઈ આ કામગીરી ઝડપી થાય તે માટે કરેલા પ્રયાસો બદલ કચ્છની પ્રજા વતી આભારની લાગણી વ્યકત કરી હતી. આ કામગીરી સાથે સંકળાયેલા તમામ અધિકારીઓ – કર્મચારીઓને અભિનંદન આપ્યા હતા.

આર.ટી.ઓ. કચેરીમાં કેશ શાખા દ્વારા સવારે ૧૦.૩૦ થી બપોરે ૨.૩૦ વાગ્યા સુધી કેશ સ્વીકારવાની કામગીરી જારી રહેશે

0
image description

પ્રાદેશિક વાહન વ્યવહાર અધિકારીની કચેરી, ભુજ ખાતે આગામી તા.૩જી ઓકટો.૨૦૨૨થી કચેરીની કેશ શાખામાં કેશ સ્વીકારવાની કામગીરી સવારે ૧૦.૩૦ થી બપોરે ૨.૩૦ વાગ્યા સુધીનો રહેશે. જેની જિલ્લાની મોટરીંગ પબ્લીકે નોંધ લેવા પ્રાદેશિક વાહન વ્યવહાર અધિકારી, ભુજ-કચ્છ દ્વારા જણાવાયું છે.

30-09-2022

0

READ NEWSPAPER ONLINE