મુખ્ય નિર્વાચન અધિકારી શ્રીમતી પી.ભારતીના અધ્યક્ષસ્થાને IMPCCની બેઠક મળી

0
23

આગામી વિધાનસભા ચૂંટણીમાં મહત્તમ પ્રમાણમાં મતદાન થાય તે માટે ઈન્ટર મીડિયા પબ્લિસિટી કો-ઑર્ડિનેશન કમિટીના સભ્યો દ્વારા સક્રિય સહકાર અંગે કરાઈ ચર્ચા

મતાધિકારનો ઉપયોગ કરે તે માટેના પ્રયાસો મુખ્ય નિર્વાચન અધિકારીશ્રીની કચેરી દ્વારા કરવામાં આવી રહ્યા છે, એના ભાગરૂપે ગાંધીનગર ખાતે મુખ્ય નિર્વાચન અધિકારી શ્રીમતી પી.ભારતીના અધ્યક્ષસ્થાને ઈન્ટર મીડિયા પબ્લિસિટી કો-ઑર્ડિનેશન કમિટી (IMPCC)ની બેઠક યોજાઈ હતી.

પ્રેસ ઈન્ફોર્મેશન બ્યુરો, દૂરદર્શન, ઑલ ઈન્ડિયા રેડિયો, રાષ્ટ્રીય સેવાસેવા યોજના, નહેરૂ યુવા કેન્દ્ર, માહિતી નિયામકશ્રીની કચેરી સહિતના પ્રસાર માધ્યમોના ઉચ્ચ અધિકારીશ્રીઓને સમાવિષ્ટ કરતી ઈન્ટર મીડિયા પબ્લિસિટી કો-ઑર્ડિનેશન કમિટીની બેઠકમાં, મુખ્ય નિર્વાચન અધિકારી શ્રીમતી પી.ભારતીએ મતદાન જાગૃતિ માટે કરવામાં આવી રહેલી પ્રવૃત્તિઓ, વિવિધ સરકારી વિભાગો સાથેના MoU ઉપરાંત દિવ્યાંગ, વિચરતી જાતિ, અગરિયા અને થર્ડ જેન્ડર જેવા મતદારોના સ્પેશિયલ ગ્રુપમાં મતદાર નોંધણી અને મતદારલક્ષી સુવિધાઓ સહિતની બાબતોની ચર્ચા કરી હતી.

આ બેઠકમાં દૂરદર્શનના સમાચાર વિભાગના નિયામકશ્રી અને નાયબ નિયામકશ્રી, ઑલ ઈન્ડિયા રેડિયોના નાયબ નિયામકશ્રી સહિતના અધિકારીશ્રીઓએ મતદાર જાગૃતિ માટે વિવિધ સુચનો કર્યા હતા. આ તકે મુખ્ય નિર્વાચન અધિકારીશ્રીએ SVEEP એટલે કે સિસ્ટમેટીક વોટર્સ એજ્યુકેશન અને ઈલેક્ટોરલ પાર્ટિશિપેશન સંદર્ભે પ્રસાર માધ્યમોને સક્રિય સહકાર માટે અપીલ કરી હતી. ખાસ કરીને સ્પેશિયલ ગ્રુપ્સ અને શહેરી વિસ્તારોમાં જોવા મળતી મતદાન અંગેની ઉદાસીનતા દૂર કરી વોટર ટર્નઆઉટ વધારવા આ માધ્યમો કઈ રીતે મદદરૂપ થઈ શકે તે માટેના સૂચનોને પણ આવકાર્યા હતા.

આ બેઠકમાં રિજિયોનલ બ્યુરો ઑફ કોમ્યુનિકેશનના એડિશનલ ડાયરેક્ટર જનરલશ્રી પ્રકાશ મગદુમ તથા સંયુક્ત મુખ્ય નિર્વાચન અધિકારીશ્રી એ.બી. પટેલ અને મીડિયા સેલના અધિકારીઓ ઉપસ્થિત રહ્યા હતા.