પાકિસ્તાનમાં આતંકી પર એર સ્ટ્રાઇક કરીને તેમને ખતમ કરવાનો અમને પૂરો હક : અમેરીકા

0
46

(એ.આર.એલ),વોશિંગ્ટન  : અમેરિકાના જણાવ્યા મુજબ અલ કાયદા જેવા ઘણા આતંકવાદી સંગઠનો હાલમાં પાકિસ્તાનમાં છે અને આ બાબત ખરેખર ચિંતાનો વિષય છે. પેન્ટાગોને કહ્યું હતું કે પાકિસ્તાન આતંકવાદીઓ માટે સુરક્ષિત આશ્રયસ્થાન છે અને ઘણા વર્ષો પહેલા ઉભી થયેલી આશંકાઓ આજ સુધી સાચી સાબિત થઈ રહી છે.
નિયમિત મીડિયા બ્રીફિંગમાં પેન્ટાગોનના પ્રેસ સેક્રેટરી જ્હોન કિર્બીએ કહ્યું કે પાકિસ્તાને ભૂલવું ન જોઈએ કે તે આજ સુધી વિશ્વના અન્ય ભાગોમાં ફેલાયેલા આતંકવાદ માટે જવાબદાર છે. જો કિર્બીની વાત માની લેવામાં આવે તો અમેરિકાને અફઘાનિસ્તાનમાં હવાઈ હુમલા દ્વારા આતંકવાદના ખતરાને ઘટાડવાનો હજુ પણ અધિકાર છે. કિર્બીએ કહ્યું કે ભલે અમેરિકાની સેનાઓ ૨૦ વર્ષના યુદ્ધ પછી નીકળી ગઈ હોય, પણ આતંકવાદીઓ પર હુમલો કરવાનો અધિકાર હજુ અકબંધ છે.કિર્બીના શબ્દોમાં, “અમે હંમેશા પાકિસ્તાન સાથેની અમારી ચિંતાઓ અંગે પ્રમાણિક રહ્યા છીએ અને તે સાચું છે કે તેમની સરહદ પર આતંકવાદીઓ માટે સલામત આશ્રયસ્થાનો આજે પણ છે.” આજ સુધી અમારી ચિંતા સાચી છે. કિર્બીએ કહ્યું કે અમેરિકન નેતાઓ જ્યારે પણ તેમના પાકિસ્તાની સમકક્ષો સાથે વાતચીત કરે છે ત્યારે આ મુદ્દો ઉઠાવે છે કે પાકિસ્તાને હંમેશા અફઘાનિસ્તાનના પડોશમાં તેની જવાબદારી નિશ્ચિત કરવી જોઈએ.
કિર્બીએ કહ્યું, “મને લાગે છે કે આ ખૂબ મહત્વનું છે કે પાકિસ્તાનના લોકોને પણ આ સરહદ પર આતંકવાદી સંગઠનો દ્વારા જોખમ છે .” પાકિસ્તાન છેલ્લા ઘણા વર્ષોથી આતંકવાદીઓનું આશ્રયસ્થાન બનવા માટે સમગ્ર વિશ્વના નિશાના પર છે. તે અલ કાયદા અને અન્ય આતંકવાદીઓને જગ્યા પૂરી પાડે છે, અને યુએસ સમર્થિત અશરફ ગની સરકાર દ્વારા આનો ઘણી વખત ઉલ્લેખ કરવામાં આવ્યો છે.