ઓડિશાની જેલમાં ૨૧ અંડર ટ્રાયલ કેદીઓ કોરોના સંક્રમિત, તંત્ર એલર્ટ

(જી.એન.એસ)ભૂવનેશ્વર,ભારતમાં કોરોના વાયરસની બીજી લહેર ફાટી નીકળી છે. ભારતમાં કોરોના વાયરસનાં લગભગ ૪ લાખ નવા કેસ રોજ બહાર આવી રહ્યા છે અને દરરોજ સાડા ત્રણ હજારથી વધુ લોકો આ કોરોનાને લઇને મોતને ભેટી રહ્યા છે. કોરોના વાયરસનો કેર હવે પાણીનાં કેદીઓ સુધી પણ પહોંચી ગયો છે.
દેશની આવી ઘણી જેલોમાંથી એવા અહેવાલો પ્રાપ્ત થયા છે કે કેદીઓ કોરોના સંક્રમિતનો ભોગ બની રહ્યા છે. તાજેતરનો કિસ્સો ઓડિશાનો છે. ઓડિશાનાં મયુરભંજની ઉડાલા સબ જેલમાં ૨૧ ટ્રાયલ કેદીઓને કોરોના સંક્રમિત થયા હોવાનુ બહાર આવ્યુ છે. કેદીઓમાં કોવિડ-૧૯ નાં લક્ષણો મળતા તેમનો ટેસ્ટ કરાયો હતો અને રિપોર્ટ આવ્યો ત્યારે સામે આવ્યુ કે, તેઓ કોરોના પોઝિટિવ છે. ૨૧ કેદીઓને કોરોના થયા બાદ જેલ તંત્ર એલર્ટ મોડમાં આવી ગયુ છે. વળી અન્ય કેદીઓને પણ કોરોના સંક્રમણનું જોખમ છે. જેલ વહીવટીતંત્રએ માહિતી આપી છે કે ૨૧ અંડર ટ્રાયલ કેદીઓ કોરોના સંક્રમિત થયા બાદ અમે તેમને અલગ કરી દીધા છે. તેમની સારવાર આઇસોલેશનમાં કરવામાં આવી રહી છે, જે દર્દીઓને જરૂર જણાશે તો તેને કોવિડ કેર સેન્ટરમાં ખસેડવામાં આવશે. ઉડાલા એનએસીનાં એક એક્ઝિક્યુટિવ ઓફિસરએ સમગ્ર મામલામાં જણાવ્યું છે કે ઉડલાની સબ જેલમાં ૨૧ કેદીઓને આઈસોલેશનમાં રાખવામાં આવ્યા છે જ્યાં તેમની યોગ્ય સારવાર આપવામાં આવી રહી છે. જો જરૂર હોય તો, અમે દર્દીઓ કોવિડ કેર સેન્ટરમાં મોકલીશું.છેલ્લા ૨૪ કલાકમાં ઓડિશામાં સોમવારે (૧૦ મે) કોરોના વાયરસનાં ૧૦,૦૩૧ નવા કેસ નોંધાયા હતા અને ૧૭ લોકોનાં મોત નીપજ્યાં હતાં. આ સમયગાળા દરમિયાન ૬ હજારથી વધુ દર્દીઓ ઠીક થયા છે. રાજ્યમાં કોરોના એક્ટિવ કેસની સંખ્યા હાલમાં ૯૪ ૯૪,૭૬૦૦ છે. વળી ૪૪૭,૮૬૩ દર્દીઓ રિકવર થયા છે. કોરોનાથી ઓડિશામાં અત્યાર સુધી ૨,૧૯૭ લોકોનાં મોત નીપજ્યાં છે. રાજ્યમાં ચેપગ્રસ્ત લોકોની કુલ સંખ્યા ૫,૪૪,૮૭૩ પર પહોંચી ગઈ છે. સોમવારે સતત પાંચમો દિવસ હતો જ્યારે ઓડિશામાં ૧૦,૦૦૦ થી વધુ નવા કેસ નોંધાયા હતા. ૧૦,૦૩૧ નવા કેસોમાંથી, અધિકારીએ જણાવ્યું હતું કે ૬,૬૨૩ જુદા જુદા ક્વોરેન્ટીન સેન્ટરોમાં છે અને બાકીનાને ટ્રેસિંગ દરમિયાન શોધી કાઠવામાં આવ્યા હતા.