અક્ષય કુમાર સ્ટારર ફિલ્મ ’રામ સેતુ’નું કો-પ્રોડ્યૂસ એમેઝોન પ્રાઇમ વીડિયો કરશે

ફિલ્મ ’રામ સેતુ’નું શૂટિંગ ૧૮ માર્ચે અયોધ્યામાં થશે

(જી.એન.એસ)મુંબઈ,સ્ટ્રીમિંગ પ્લેટફોર્મ એમેઝોન પ્રાઇમ વીડિયોએ એક મોટી જાહેરાત કરી. આ પ્લેટફોર્મ પર હવે ભારતમાં બનેલી ફિલ્મ્સના નિર્માણમાં સક્રિય ભૂમિકા ભજવશે, જે સીધી થિયેટરોમાં રિલીઝ થવાની છે. તેની શરૂઆત અક્ષય કુમારની ફિલ્મ રામ સેતુ સાથે થઈ રહી છે, જેનો પ્રાઇમ વીડિયો કેપ ઓફ ગુડ ફિલ્મ્સ, એબેંડન્ટિયા એન્ટરટેનમેન્ટ અને લાયકા પ્રોડક્શન્સ સાથે સહ-નિર્માણ કરવાની જાહેરાત કરી છે. આ એમેઝોન પ્રાઇમ વીડિયો દ્વારા સહ નિર્માણ પામેલી પહેલી ફિલ્મ હશે, જે પ્લેટફોર્મ પહેલાં સીધા થિયેટરોમાં રજૂ થશે.રામસેતુ એ અક્ષય કુમારની મહત્વાકાંક્ષી ફિલ્મ છે, જેમાં ડો.ચંદ્રપ્રકાશ દ્વિવેદી ક્રિએટિવ નિર્માતા તરીકે જોડાયેલા છે. આ ફિલ્મમાં જેક્લીન ફર્નાન્ડિઝ અને નુસરત ભરૂચા મહત્વની ભૂમિકામાં જોવા મળશે. ડોક્ટર દ્વિવેદીએ આ વર્ષે દિવાળી પર રિલીઝ થનારી યશરાજ બેનર ફિલ્મ પૃથ્વીરાજમાં અક્ષયનું દિગ્દર્શન કર્યું છે. આ ફિલ્મનું શૂટિંગ ૧૮ માર્ચે અયોધ્યામાં થશે.રામસેતુનું દિગ્દર્શન અભિષેક શર્માએ કર્યું છે, જેણે તેરે બિન લાદેન અને અણુ જેવી લોકપ્રિય ફિલ્મોનું દિગ્દર્શન કર્યું છે. રામ સેતુ એક એક્શન-એડવેન્ચર નાટક છે, જેની વાર્તા ભારતની સાંસ્કૃતિક અને ઐતિહાસિક વારસોના મૂળની શોધ પર આધારિત છે. સુપરસ્ટાર અક્ષય કુમાર અભિનીત ફિલ્મમાં સ્ટાર કાસ્ટ છે અને જેક્લીન ફર્નાન્ડિઝ અને નુસરત ભરૂચા પણ તેમાં અભિનય કરી રહી છે. રામ સેતુ આવતા વર્ષે થિયેટરોમાં આવશે, ત્યારબાદ તે એમેઝોન પ્રાઇમ વીડિયો પર સ્ટ્રીમ થશે.
અક્ષય કુમાર આ વાતને લઈને ખૂબ જ ઉત્સાહિત છે. તેમણે કહ્યું, “રામ સેતુની સ્ટોરી એ કેટલાક વિષયોમાંનો એક છે, જેણે હંમેશા મને પ્રેરણા આપી છે અને મને ઉત્સુક રાખ્યો છે. આ સ્ટોરી તાકાત, બહાદુરી અને પ્રેમ અને તે ચોક્કસ ભારતીય મૂલ્યોનું પ્રતિનિધિત્વ કરે છે. નૈતિક રચનાની રજૂઆત કરે છે. આપણા મહાન દેશની સામાજિક રચના અને રામ સેતુ ભૂતકાળ, વર્તમાન અને ભવિષ્યની પેઢી વચ્ચેનો એક સેતુ છે.