Home Blog

કચ્છમાં દિવ્યાંગ અને વયોવૃદ્ધ નાગરિકોએ ઉત્સાહભેર મતદાન કરીને વધુમાં વધુ મતદાન કરવા માટે આપ્યો સંદેશ

0

ગુજરાત રાજ્યમાં વિધાનસભાની સામાન્ય ચૂંટણી-૨૦૨૨ અંતર્ગત પ્રથમ તબક્કાનું મતદાન યોજાઈ રહ્યું છે ત્યારે કચ્છ જિલ્લામાં આ લોકશાહીના અવસર નિમિત્તે મતદાન કરીને નાગરિકો પોતાની ફરજ નિભાવી રહ્યા છે. કચ્છ જિલ્લામાં વયોવૃદ્ધ મતદારો, દિવ્યાંગ મતદારો પણ મતદાન કરીને અન્ય નાગરિકોને મતદાન કરવા માટે પ્રેરણા આપી રહ્યા છે. વહેલી સવારથી નાગરિકોમાં મતદાન કરવા માટે અનેરો ઉત્સાહ જોવા મળી રહ્યો છે.

મતદાન મથક સુધી દિવ્યાંગ નાગરિકો અને વૃદ્ધ નાગરિકો પહોંચી શકે તે માટે સુગમ વ્યવસ્થા પણ તંત્ર દ્વારા કરવામાં આવી છે. આમ, દિવ્યાંગ અને વયોવૃદ્ધ નાગરિકોએ લોકશાહીના આ મહાપર્વમાં ઉત્સાહભેર પોતાની ફરજ નિભાવીને વધુમાં વધુ મતદાન કરવા માટે સંદેશ આપ્યો છે.

પશ્ચિમ કચ્છ એસ.પી શ્રી સૌરભ સિંઘે ભુજના મતદાન મથકો ઉપર કાયદો અને વ્યવસ્થા ની સમીક્ષા કરી

0

વિધાનસભા સામાન્ય ચૂંટણી – ૨૦૨૨ દરમિયાન કચ્છ જિલ્લામાં સવારથી  ‘અવસર લોકશાહીનો’  ઉજવણીના ભાગરુપે જિલ્લામાં  શાંતિપૂર્ણ રીતે મતદાન પ્રક્રિયા શરૂ થઈ છે. ત્યારે મતદાન મથકો ઉપર કાયદો અને વ્યવસ્થા યોગ્ય રીતે જળવાઈ રહે તે અનુસંધાને પશ્ચિમ કચ્છ એસપી શ્રી સૌરભ સિંઘે ભુજના મતદાન મથકોની મુલાકાત લઈને કાયદો અને વ્યવસ્થાની સમીક્ષા કરી હતી.

કચ્છમાં વરિષ્ઠ નાગરિકો અને યુવા મતદારોએ ઉત્સાહપૂર્વક મતદાન કર્યું

0

વિધાનસભા સામાન્ય ચૂંટણી – ૨૦૨૨ દરમિયાન કચ્છ જિલ્લામાં સવારથી જ મતદાન માટે અનેરો ઉત્સાહ જોવા મળી રહ્યો છે. ‘અવસર લોકશાહીનો’  ઉજવણીના ભાગરુપે જિલ્લામાં  વરિષ્ઠ નાગરિકો તેમજ યુવા મતદારો દ્વારા ઉમંગ અને ઉત્સાહથી મતદાન કરવામાં આવ્યું હતું.

ભુજ ખાતે ઇન્દિરા બાઈ હાઈસ્કૂલમાં ઊભા કરાયેલા મોડેલ મતદાન મથકમાં મોટી સંખ્યામાં વરિષ્ઠ નાગરિકોએ મતદાન કરીને પોતાની ફરજ અદા કરી હતી. સવારથી શરૂ થયેલી શાંતિપૂર્ણ મતદાન પ્રક્રિયામાં હજુ પણ મોટી સંખ્યામાં મતદારો મતદાન કરવા માટે પહોંચી રહ્યા છે.

જિલ્લાના મતદાન મથકો પર લોકશાહીના મહાપર્વની ઉજવણી

0

જિલ્લા કલેકટર શ્રી દિલીપ રાણાએ ભુજ ઓલફ્રેડ હાઈસ્કૂલ ખાતે મતદાન કરીને પોતાની પવિત્ર ફરજ નિભાવી 

વિધાનસભા સામાન્ય ચૂંટણી – ૨૦૨૨ દરમિયાન કચ્છ જિલ્લામાં આજરોજ તા.૧ ડિસેમ્બરે મતદાન મથકો પર 
લોકશાહીના મહાપર્વની ઉજવણી માટે મતદારોમાં મતદાન માટે અનેરો ઉત્સાહ જોવા મળ્યો હતો. સવારે ૮ વાગ્યે મતદાન પ્રક્રિયા શરુ થતાંની સાથે તમામ વિધાનસભા મતવિસ્તારના મતદાન કેન્દ્રો ખાતે શાંતિપૂર્ણ રીતે મતદાન પ્રક્રિયા શરુ થઇ હતી. ભુજના ઓલફ્રેડ હાઈસ્કૂલ ખાતે જિલ્લા મુખ્ય ચૂંટણી અધિકારી અને જિલ્લા કલેકટરશ્રી દિલીપ રાણાએ મતદાન કરીને પોતાની પવિત્ર ફરજ નિભાવી હતી. તેમજ કચ્છના મતદારોને ઉત્સાહપૂર્વક મતદાન કરવા માટે અનુરોધ કર્યો હતો.

ભારતીય સંસ્કૃતિના જતન માટે રાષ્ટ્રહિતમાં મતદાન કરીએ

0

ભુજ : કચ્છની તમામ છ વિધાનસભા બેઠક માટે મતદાન પ્રક્રિયા ચાલી રહી છે. કચ્છવાસીઓ પોતાના જનપ્રતિનિધિઓને ચૂંટવા માટે લોકશાહીના મહાયજ્ઞમાં પોતાના મતરૂપી આહુતિ આપી રહ્યા છે. ભુજની ઓલ્ફ્રેડ હાઈસ્કૂલ ખાતેના મતદાન મથકમાં ભુજ નૂતન સ્વામિનારાયણ મંદિરના સંતોએ મતદાન કરી પોતાની પવિત્ર ફરજ નિભાવી હતી. આ પ્રસંગે ભુજ સ્વામિનારાયણ મંદિરના સંત પૂ. સદગુરૂ સ્વરૂપદાસજીએ કચ્છવાસીઓને મતદાન કરી પોતાની ફરજ નિભાવવા અપીલ કરી હતી. તેમણે જણાવ્યું હતું કે, મતદાન કરવું એ દરેક નાગરિકની નૈતિક ફરજ છે.

વિધાનસભાની ચૂંટણી માટે મતદાન ચાલી રહ્યું છે. ત્યારે દરેક કચ્છવાસીઓ મતદાન પ્રત્યે સભાન બની પોતાનો મત અચૂક આપે તે ઈચ્છનીય છે. તેમણે દરેક કચ્છવાસીને દેશના જવાબદાર નાગરિક તરીકે મતદાન કરવા માટે આગ્રહ પૂર્વક અનુરોધ કર્યો હતો. તેમણે વધુમાં જણાવ્યું હતું કે,  ભારતના નાગરિક તરીકે સૌને મતદાનનો અધિકાર મળ્યો છે ત્યારે આપણે સૌ ભારતીય સંસ્કૃતિને જાળવી રાખવા વાદવિવાદ ભૂલી રાષ્ટ્ર્રહિતમાં મતદાન કરી મળેલા અધિકારનો સદુપયોગ કરીએ.

આજરોજ ભુજ સ્વામિનારાયણ મંદિરના વંદનીય સંતોએ ભુજની ઓલ્ફ્રેડ હાઈસ્કૂલમાં સામુહિક રીતે મતદાન કર્યું હતું.

આ પ્રસંગે કોઠારી દેવપ્રકાશ સ્વામીએ કચ્છ અને ભુજના મતદારો ઉપરાંત ખાસ કરીને પટેલ ચોવીસીના મતદારોને રાષ્ટ્રહિતને ધ્યાનમાં રાખીને મોટી સંખ્યામાં મતદાન કરવા અપીલ કરી હતી.શાસ્ત્રી સૂર્યપ્રકાશદાસ સ્વામીએ જય સ્વામિનારાયણ સાથે સમાજને અપીલ કરતા જણાવ્યું હતું કે જે મતદાન નથી કરતું તેને ભારતના નાગરિક કહેવાનો હોવાનો હક્ક નથી.ભારતના નાગરિક તરીકે દેશની શાંતિ વિકાસ અને રાષ્ટ્રહિતને ધ્યાનમાં લઈને અવશ્ય બહોળા પ્રમાણમાં મતદાન કરવું જોઈએ

મતદાન અવશ્ય કરજો, દિલથી કરજો, પ્રેમથી કરજો, આનંદથી કરજો અને શાંતિથી કરજો: શ્રીમતી પી. ભારતી

0

લોકશાહીના આ અવસરમાં મતદાન કરવા મુખ્ય નિર્વાચન અધિકારી શ્રીમતી પી. ભારતીની અપીલ

રાજ્યના 19 જિલ્લાઓની 89 વિધાનસભા બેઠકો માટે ગુજરાત વિધાનસભાની ચૂંટણી-2022નું પ્રથમ તબક્કાનું મતદાન યોજાનાર છે. લોકશાહીના આ મહાપર્વમાં પોતાના મતાધિકાર થકી સહભાગી થવા સૌ મતદારોને રાજ્યના મુખ્ય નિર્વાચન અધિકારી શ્રીમતી પી. ભારતીએ અપીલ કરી છે.ગુજરાત વિધાનસભાની ચૂંટણી-2022 અંતર્ગત તા. 01 ડિસેમ્બરને ગુરૂવારના રોજ પ્રથમ તબક્કામાં રાજ્યના 19 જિલ્લાઓની 89 બેઠકો માટે 14,382 મતદાન મથક સ્થળો પર કુલ 25,430 મતદાન મથકો ખાતે મત આપવાનો પવિત્ર અવસર યોજાવાનો છે. લોકશાહીના આ અમૂલા અવસરમાં 2,39,76,670 મતદારો પોતાના મતાધિકારના ઉપયોગ થકી સહભાગી થઈ શકશે. તમામ મતદારો મતદાનની આ નૈતિક જવાબદારીને સુપેરે નિભાવે તે માટે રાજ્યના મુખ્ય નિર્વાચન અધિકારીશ્રીએ મતદાનનું મહત્વ સમજાવી મતની શક્તિનો ઉપયોગ કરવા અનુરોધ કર્યો છે.મતદારોને અપીલ કરતાં મુખ્ય નિર્વાચન અધિકારી શ્રીમતી પી. ભારતીએ જણાવ્યું કે, લોકશાહી ના આ પવિત્ર પર્વ માં મત આપવો તે આપણી નૈતિક જવાબદારી છે અને તે બધાએ નિભાવવાની હોય છે. મારો એક મત નહિ આપવાથી શું ફર્ક પડશે ? તેમ માનવું જરા પણ વાજબી નથી. એક મત ની કિંમત પાણીના એવા ટીપાં જેટલી છે જે સમુદ્ર બનાવે છે. જો પાણીનું એક ટીંપુ વિચારે કે હું ના હોવ તો સમુદ્ર ને શું ફર્ક પડે અને આ રીતે બધાં જ પાણીનાં ટીપાં વિચારે તો સમુદ્ર જ ના રચાય. એટલે મત તો જરૂર આપવાનો.વધુમાં મુખ્ય નિર્વાચન અધિકારીશ્રીએ ઉમેર્યું કે, લોકશાહી એટલે લોકો માટે, લોકોથી અને લોકો દ્વારા ચાલતી સરકાર. લોકશાહીમાં લોકો જ સર્વોપરી હોય છે, માટે મત જરૂર આપજો. લોકશાહીના આ અવસરને આપણે બધાં પોત પોતાના મતની શક્તિનો ઉપયોગ કરીને ઉજવીએ.

નર્મદા નહેરના પાણીમાં ન્હાવા, કપડા ધોવા, પગ પલાળવા, માછીમારી કરવા પ્રતિબંધ

0

કચ્છ જિલ્લામાં નર્મદા યોજનાની (કચ્છ શાખા) નહેર રાપર, ભચાઉ, ગાંધીધામ, અંજાર, મુંદરા અને માંડવી તાલુકાઓમાંથી પસાર થાય છે. આ નહેરમાં સિંચાઇ કરવા અને ટપ્પર ડેમ ભરવા માટે કચ્છ શાખા નહેરમાં પાણીનું વહન થતું હોય છે, જે દરમ્યાન નહેરમાં પાણીની સરેરાશ ઉંડાઇ ૩ થી ૪.૫ મીટર સુધી હોય છે. આ નહેરના પાણીમાં ન્હાવા, કપડા ધોવા, પગ પલાળવા, માછીમારી કરવા કે અન્ય કોઇ પણ હેતુસરથી જે ઇસમો જાય છે તેઓના નહેરના પાણીમાં પડવાથી અકસ્માત થતાં દુઃખદ અવસાન થવાના ઘણા બનાવો બને છે. જે બનાવો અટકાવવા અને આવા બનાવો ન બને તે માટે તકેદારીના પગલાં લેવા જરૂરી હોઇ અધિક્ષક ઇજનેરશ્રી કચ્છ શાખા નહેર વર્તુળ -૧ ગાંધીધામ ઘ્વારા જરૂરી જાહેરનામા પ્રસિધ્ધ કરવા તા.૨૭/૧૧/૨૦૨૨ના દરખાસ્ત કરેલ છે.જેથી દિલીપ રાણા, જિલ્લા મેજીસ્ટ્રેટ,કચ્છ-ભુજ ફોજદારી કાર્યરીતી અધિનિયમ- (સીઆર.પી.સી.) ૧૯૭૩ (૧૯૭૪ના નં ૨)ની કલમ-૧૪૪ અન્વયે તેમને મળેલ અધિકારની રૂએ ફરમાવેલ છે કે, કચ્છ જિલ્લાની મહેસુલી હદમાં આવતા રાપર, ભચાઉ, ગાંધીધામ, અંજાર, મુંદરા અને માંડવી તાલુકાઓમાંથી પસાર થતી નર્મદા યોજનાની કચ્છ શાખા નહેરના પાણીમાં ન્હાવા, કપડા ધોવા, પગ પલાળવા, માછીમારી કરવા કે અન્ય કોઇપણ હેતુસર જવા બાબતે મનાઇ ફરમાવેલ છે.આ હુકમનો ભંગ કે ઉલ્લંઘન કરનાર વ્યકિતને ભારતીય દંડ સંહિતાની કલમ-૧૮૮ ની મુજબ શિક્ષાને પાત્ર થશે. આ હુકમ સમગ્ર કચ્છ જિલ્લામાં તા.૨૭/૧/૨૦૨૩ સુધી અમલમાં રહેશે.

ર થી ૭ ડિસેમ્બર સુધી : એલએલડીસી મ્યુઝિયમની ઈન્સ્પીરેશન ગેલેરી મુલાકાતીઓ માટે બંધ રહેશે

0

૮ ડિસેમ્બરથી વણકર વિશ્રામ વાલજી પરિવારની વણાટકામ સાથેની સફરનું પ્રદર્શન

ભુજ : શ્રૃજન સંચાલિત અજરખપુર ભુજ ખાતે આવેલ ક્રાફટ મ્યુઝિયમ લિવિંગ એન્ડ લર્ન્િંાગ ડિઝાઈન સેન્ટર ખાતે કચ્છના વિવિધ હસ્તકળાઓના કારીગરોને સમર્પિત ઈન્સ્પીરેશન ગેલેરી (પ્રેરણા ગેલેરી)માં દર ચાર મહીને બદલાતા પ્રદર્શનોમાં દુનિયાભરની હસ્તકળાઓ-એમ્બ્રોઈડરો, વિવીંગ, પેઈન્ટીંગ વગેરેની વિવિધ શૈલીઓ અને આકર્ષક સ્વરૂપોના નમુનાઓને આધુનિક રીતે અનોખા અંદાજથી રજુ કરાય છે.આ પ્રક્રિયાના ભાગરૂપે હાલમાં ફરી આ કામગીરી શરૂ કરવાની હોઈ તા. ર ડિસેમ્બર થી ૭ ડિસેમ્બર ર૦રર બુધવાર સુધી આ મ્યુઝિયમ ગેલેરી મુલાકાતીઓ માટે સદંતર બંધ રહેશે. તા. ૮ ડિસેમ્બર ગુરૂવારથી ફરી નવું પ્રદર્શન- વણકર વિશ્રામ વાલજી પરિવારની વણાટકામ સાથેની સફર ના નવા સ્વરૂપ સાથે મ્યુઝિયમ ગેલેરી ખુલ્લી મુકવામાં આવશે.ઈન્સ્પીરેશન ગેલેરીમાં જગતભરના બેનમૂન વિવિધ નમૂનાઓને પ્રદર્શિત કરાય છે અને દર ચાર મહીને બદલનારા એક એકથી ચઢીયાતા પ્રદર્શનોને એક સ્થળે નિહાળવા તે એ લ્હાવો છે. આ વિવિધ પ્રદર્શનો પૈકીનું પ્રથમ પ્રદર્શન ચિત્રકારો, બ્લોક પ્રિન્ટરો અને ભરતકામના કારીગરોની અદ્‌ભુત કૃતિઓના સન્માન માટે રીલીજીયસ ટેક્ષટાઈલ્સ પ્રદર્શિત થયું હતું. જેમાં પીછવાઈ, માતાની પછેડીને ફડ પેઈન્ટીંગ સ્વરૂપે ઉદ્‌ઘાટીત થયેલું. ત્યારબાદ આ રીલીજીયસ ટેક્ષટાઈલ્સનું પ્રદર્શન પુર્ણ કરી નવું દ્વિતીય પ્રદર્શન આરી એક ટાંકો વૈવિધ્યસભર ભવ્ય ભરતકામનો શુભારંભ થયેલો, ત્યારબાદ તૃતિય પ્રદર્શન ઝરી, વસ્ત્ર અને ધાતુનો સંવાદ, ચોથું પ્રદર્શન બનારસ- વાર્તા કિનખાબની, પાંચમું પ્રદર્શન તનછોઈ (હાથ વણાટકામની એક અનેરી શૈલી), છઠું પ્રદર્શન પ્લાય સ્પલીટ બ્રેડિંગ યોજવામાં આવ્યો હતો. જયારે હાલમાં, સાતમું પ્રદર્શન જે પુર્ણ થયું તે સિંધ અને કચ્છમાં ભરતકામથી જાેડાયેલાનું પ્રદર્શન ચાલુમાં હતું.

ભરતભાઈ રાણાએ નરેન્દ્રભાઈ મોદીના હાથ મજબૂત કરવા કરી અપીલ

0

ભાજપ છોડીને કોંગ્રેસમાં જોડાવાની વાત ગેરસમજથી થઇ હોવાનું જણાવી કરી સપષ્ટતા

ભુજ : આજે સવારે ભુજ નગરપાલિકાના પૂર્વ કારોબારી ચેરમેન અને વાગડ રઘુવંશી લોહાણા સમાજના ભુજ તાલુકા પ્રમુખ  ભરતભાઈ રાણા ભાજપ છોડીને કોંગ્રેસમાં જોડાયા છે તેવા અહેવાલ વહેતા થયાં હતા. જે અંગે ખુલાસો કરતાં ભરત રાણાએ જણાવ્યું હતું કે, જે તે સમયે મારી ગેરસમજના કારણે તેવું થયું હતું. આ ઉપરાંત તેમણે આવતીકાલે ભારતના વડાપ્રધાન નરેન્દ્રભાઈ મોદીના હાથ વધુ મજબૂત કરવા ભારતીય જનતા પાર્ટીની તરફેણમાં મતદાન કરવા લોકોને અપીલ કરી હતી. પોતે ભાજપ સાથે જ જોડાયેલા છે તેવી સપષ્ટતા સાથે તેમણે કમળનું બટન દબાવી ભાજપના ઉમેદવારોને વિજયી બનાવવા કચ્છવાસીઓને અનુરોધ કર્યો હતો.

વાગડ રઘુવંશી લોહાણા પરિવારના પ્રમુખ અને ભુજ નગરપાલિકાના પૂર્વ કારોબારી ચેરમેન ભરતભાઈ રાણા ભાજપ છોડીને કોંગ્રેસમાં જોડાયા છે. અને ભુજ બેઠકના કોંગ્રેસના ઉમેદવાર અરજણ ભુડીયાને સમર્થન આપી તેમને જંગી બહુમતીથી જીતાડવાની અપીલ કરી હતી. અખબારોમાં આવેલી જાહેર ખબર સંદર્ભે ભરતભાઈ રાણાએ સ્પષ્ટતા કરતા જણાવ્યું હતું કે, કોંગ્રેસના સમર્થનની વાત એ મારી ગેરસમજ હતી. હું નિખાલસ ભાજપનો સમર્થક હતો છું અને રહીશ. હું વડાપ્રધાન નરેન્દ્રભાઈ મોદીનો સમર્થક રહ્યો છું. અને હંમેશા માટે સમર્થક રહીશ. ત્યારે ભાજપના ઉમેદવારને જંગી બહુમતીથી જીતાડવા તેમણે અપીલ કરી હતી. અને નરેન્દ્રભાઈ મોદીના હાથ મજબૂત કરવા અપીલ કરી હતી. અખબારોમાં આવેલી જાહેરખબર અંગે જણાવ્યું હતું કે, આ મારી ગેરસમજ છે. અને હું ભાજપ સાથે રહીને સત્કાર્યો કરતો રહીશ તેવું ઉમેર્યું હતું.

અબડાસામાં સજજન ઉમેદવારને હરાવવાના કાવાદાવા પછવાડે શું કારણભુત? રાજકીય બેડામાં આંતરિક ચર્ચા

0

  • ખાવડાથી ગેરકાયદેસર મીઠ્ઠાનું પરિવહન કે પવનચક્કી?

મીઠાનું ગેરકાયદેર ટ્રાન્સપોર્ટીંગ-પરિવહન કેટલા મોટાપાયે થાય છે તે ચૂંટણી ચેકપોસ્ટ ઉભી થતા જ શેખપીર ઓળંગવાના બદલે અહીથી ખાવડા રોડ સુધી ૧૦ કીમી સુધી મીઠ્ઠાથી ભરેલા ટ્રેઈલરના ખડકલાંથી જ દેખાઈ આવે છે, ભુજથી ખાવડાનો માર્ગ આખોય બની જાય છે મીઠ્ઠાના ઓવરલોડ વાળા વાહનોથી સ્લીપરી, છાશવારે થઈ રહ્યા છે અહી ગંભીર અકસ્માતો

આ આખી રમત પાછળ ચૂંટણી પુરી થતાં જ ખુલ્લી પડશે…’ચમન’ની ચાલ…?

અબડાસામાં પાછલા પાંચ-સાત વર્ષમાથી ૩પ૦૦ જેટલી પવનચક્કીઓ લાગી ગઈ અને હજુય ૪પ૦૦ જેટલી પવનચક્કી લાગવાની ઘડીઓ જ ગણાય છે, એક પવનચક્કી દીઠ કંપનીવાળા બધાયના મોઢા બંધ રાખવા ૩૦ લાખનો વહીવટ કરતી હોવાની છે ચકચાર

ગાંધીધામ : કારણ હેાય અને વગડે તે માની શકાય, પરંતુ વગર કારણે વળગે તેનું જ નામ જ તે રાજકારણ. હાલમાં ચૂંટણીનો માહોલ જામેલો છે અને કચ્છમાં પણ રાજકીય ચર્ચાઓ તેજ બનેલી છે ત્યારે કચ્છમાં અબડાસાના ચૂંટણીજંગમાં સાલસ, સરળ અને પ્રજાના સાચા સેવક સમાન એક ઉમેદવારને હરાવવા માટે અલગ અલગ કાવાદાવાઓ થયા હોવાનુ મનાય છે આવામાં રાજકીય તજજ્ઞો કહે છે કે, અબડાસામાં આ પ્રકારના કાવતરાઓ રચવા પાછળનું કારણ શુ? ખાવડાથી મોટા પ્રમાણમાં ગેરકાયદેસર મીઠ્ઠાનુ જે પરિવહન થાય છે તે કે પછી પવનચક્કીઓ?
આ બાબતે રાજકીય તથા અંતરંગ વર્તુળોની જો વાત માનીએ તો અબડાસાની સીટ પર જાતી-જ્ઞાતિ સહીતના સમીકરણો તો કદાચ ફેકટર હશે જ પરંતુ ચૂંટણીમાં જે મુખ્ય અને મોટા મુદાઓ કાવાદાવા અને કાવતરાઓનુ કારણ જો બની રહ્યા હોય તો અહી ખાવડા પટ્ટામાથી ગેરકાયદેસર રીતે મીઠ્ઠાનું જે પરિવહન થઈ રહ્યુ છે, ટ્રાન્સપોર્ટીંગ થાય છે તે ધંધો તથા અબડાસામા સમાવિષ્ટ નખત્રાણાન, લખપત સુધીમાં પાછલા પાંચ-સાત વરસમાં વીકસી ગયેલી પવનચક્કી મહત્વપૂર્ણ પરીબળ બની રહ્યુ હોય તેમ વર્તારો જોવાઈ રહ્યો છે. કહેવાય છે કે, અબડાસામાં ઉમેદવારને હરાવવાની દીશામાં જે અધમપછાડા થયા તેની પાછળ મુખ્ય આ બે બંધાઓની જ લડાઈ કારણભુત હોવાનુ ચર્ચાય છે. ખાવડાથી જે મોટા પ્રમાણમાં મીઠુ પરિવહન થાય છે તેના ગેરકાયદેસર ટ્રાન્સપોર્ટીંગના કામો મેળવવાને માટેનું કાવતરુ અહી અમલી બનાવાયુ હોય તેમ જોવાઈ રહ્યુ છે. ઉમેદવારના પુત્રો અહીના ટ્રાન્સપોર્ટનો મીઠ્ઠા પરિવહનનો જે મોટો ધંધો કે દલ્લો જે કહો તેમાં ન પડે એટલે ઉમેદવારને હરાવવાના નાતે સમીકરણો અહી ઉભા કરવાનો પ્રયાસ કરવામા આવ્યો હોવાનુ મનાય છે. અહી મીઠ્ઠાનું કેટલા મેાટા પ્રમાણમાં ગેરકાયદેસર ટ્રાન્સપોટીગ અને પરિવહન કરવામાં આવી રહ્યુ છે તે સમજવા માટે અહી વિધાનસભની આંચારસંહીતા લાગુ થવાની સાથે જ ચૂંટણી ચેકપોસ્ટ ઉભી થતા જ શેખપીર ઓળંગવાના બદલે અહીથી ખાવડા રેાડ સુધી ૧૦ કીમી સુધી મીઠ્ઠાથી ભરેલા ટ્રેઈલરના ખડકલાંથી જ દેખાઈ આવતા હતા, જો આ ટ્રેઈલર બધાય કાયદેસર અને અન્ડર લોડ જ હોય તો ૧૦ કીમી જેટલી લાંબી લાઈનો ચેકપોસ્ટ પરના ચેકીંગથી લાગે ખરી? આટલી મોટી લાઈનોમાં લાગેલા મીઠ્ઠાના ઓવરલોડવાળા ટ્રેઈલર આ ધંધો અહી કેટલો ફુલ્યોેફાલયો હશે તેનો ચિત્તાર આપવા માટે પુરતો જ કહી શકાય તેમ છે. બીજીતરફ આ પ્રકારના મીઠાના ઓવરલોડ પરિવહનને કારણે ભુજથી ખાવડાનો માર્ગ આખોય બની જાય છે લસકણો(સ્લીપરી)જેના લીધે આ રોડ પર છાશવારે ગંભીર અકસ્માતો પણ સર્જાવવા પામી રહ્યા છે. લોકો અને પરીવહનકારો અહી ત્રાહીમામ પોકારી ઉઠયા છે. એટલે મીઠ્ઠાના ગેરકાયદેસર પરિવહનનુ અહી મોટુ સામ્રાજય જ વીકસેલુ હોય તેમ સહજ રીતે જ જોવાઈ રહ્યુ છે. આ ઉપરાંત અબડાસામાં પાછલા પાંચ સાત વર્ષમાં નખત્રાણાથી લઈ અને લખપત-અબડાસા સુધી ઠેરઠેર પવનચક્કીઓ લાગી જવા પામી ગઈ છે. આ પવનચક્કીનુ પણ અહી મોટુ નેટવર્ક રહેલુ છે એન તે મોટા ભાગના નીતીનિયમોને નેવે મુકીને જ અહી ખડકલા કરી રહી છે આવામાં એક પવનચક્કી વાળાઓ જવાબદારોને મોઢા બંધ રાખવાની દીશામાં ૩૦ લાખના તગડા સાલીયાણા આપતા હોવાનુ કહેવાય છે. હવે અત્યાર સુધીમા અહી ૩પ૦૦ જેટલી પવનચક્કીઓ તો લાગી ગઈ છે અને ૪પ૦૦ જેટલી આવી રહી છે. વિચાર તો કરો એક ૩૦ લાખ આપે તો આ આંક આંબે કયાં? એટલે અહીના ઉમેદવારને મીઠ્ઠાના ખાવડાથી ગેરકાયદેસર પરિવહનથી લઈ અને પવનચક્કીના કામોમાં પણ કયાંય જ દખલઅંદાજી અને હસ્તક્ષેપ ન કરે તે માટે જ તેમને હરાવવા માટે કાવાદાવાઓ આ બેઠક પર રચાયા હોવાનું ચર્ચાઈ રહ્યુ છે.

કલેકટરશ્રી કરાવે જાત તપાસ : તો અનેક ભોપાળાઓ ખુલશે

ગાંધીધામ : ખાવડા પટ્ટામાથી જે રીતે મીઠું ઉપાડી અને ટ્રાન્સપોર્ટીંગ ઓવરલોડ કરવામાં આવી રહ્યુ છે તે મીઠુ ગેરકાયદેસર જ ઉપાડાય છે.હકીકતમાં આ મીઠુ બહાર લઈ જવાનુ હોતુ નથી. તેમ છતા તંત્રને ઉંધા ચશ્મા પહેરાવીને ઓવરલોડ ભરીને કંડલા મોકલવાઈ રહ્યુ છે. કલેકટરશ્રી તપાસ કરાવે કે, ખરેખર આ મીઠાના પરિવહનની સત્યતા છે શુ?