કચ્છ જિલ્લાના ભદ્રેશ્વર ખાતે ૧૭૫ એકરના વિશાળ પોર્ટ બિઝ ઈન્ડસ્ટ્રીયલ પાર્કનુ મુખ્યમંત્રીશ્રીના હસ્તે ઉદ્ઘાટન : મોટી સંખ્યામાં ઉદ્યોગપતિઓની ઉપસ્થિતિ
રાજ્યના મુખ્યમંત્રીશ્રી ભૂપેન્દ્રભાઈ પટેલે કચ્છ જિલ્લાના ભદ્રેશ્વર ખાતે પોર્ટ બિઝ ઇન્ડસ્ટ્રીયલ પાર્કનું ઉદઘાટન કર્યું હતું અને વડાપ્રધાનશ્રી નરેન્દ્ર મોદીએ આજે ડિજિટલ ટેકનોલોજીના ફીફથ જનરેશન(5G)નો દેશવ્યાપી શુભારંભ કરાવ્યો અને આજે કચ્છ ખાતે પોર્ટ બિઝ ઈન્ડસ્ટ્રીયલ પાર્કનુ ઉદઘાટન થયું, તે ડિજિટલ અને ઔદ્યોગિક વિકાસની રાહ પર ગુજરાત અગ્રેસર થવા આહવાન કર્યું હતું.મુખ્યમંત્રીશ્રી ભૂપેન્દ્રભાઈ પટેલે સરહદી વિસ્તાર એવા કચ્છના વિકાસ માટે રાજ્ય સરકારના શક્ય તમામ સહકારની ખાતરી ઉચ્ચારી હતી. અને ઉદ્યોગકારોને કચ્છ ખાતે આજે શરૂ થયેલા પોર્ટ બિઝ ઈન્ડસ્ટ્રીયલ પાર્કનો મહત્તમ લાભ લેવા અનુરોધ કર્યો હતો.કાર્યક્રમ સ્થળે આવતાં પહેલાં મુખ્યમંત્રીશ્રી ભૂપેન્દ્રભાઈ પટેલે કિરણ ગૃપ અને અંબાજી ગૃપ દ્વારા કંડલા- મુન્દ્રા હાઈવે પર કચ્છ જિલ્લાના ભદ્રેશ્વર ગામ નજીક નિર્માણ થનારા પોર્ટ બિઝ ઈન્ડસ્ટ્રીઅલ પાર્કનુ રીબીન કાપી ઉદઘાટન કર્યું હતું. તથા સભાસ્થળેથી બિઝપાર્કના ભવનનું ભૂમિપૂજન તથા વૃક્ષારોપણ કર્યું હતું.મુખ્યમંત્રીશ્રી ભૂપેન્દ્રભાઈ પટેલ તથા અન્ય આમંત્રિતોનુ શાલ, સ્મૃતિચિહ્ન તથા પુષ્પગૂચ્છથી સ્વાગત કરાયું હતું. પોર્ટ બિઝ ઈન્ડસ્ટ્રીઅલ પાર્કની વિગતો દર્શાવતી ટૂંકી ડોક્યુમેન્ટરી ફિલ્મનું આ પ્રસંગે પ્રસારણ કરાયું હતું.આ કાર્યક્રમમાં વિધાનસભા અધ્યક્ષશ્રી ડો.નીમાબેન આચાર્ય, સંસદસભ્યશ્રી વિનોદભાઈ ચાવડા, ધારાસભ્યોશ્રી વાસણભાઈ આહિર અને શ્રી માલતીબેન મહેશ્વરી, જિલ્લા પંચાયત પ્રમુખશ્રી પારૂલબેન કારા, અગ્રણીશ્રી કેશુભાઈ પટેલ અને દિલીપભાઇ ત્રિવેદી, ગાંધીધામ ચેમ્બર ઓફ કોમર્સના પ્રમુખશ્રી તેજાભાઈ કાનગડ, દેશભરના વિવિધ ક્ષેત્રોના ઉદ્યોગપતિઓ સર્વશ્રી દિનેશ ગુપ્તા, મહેશ પુન્જ, નીરજ બંસલ, તેમજ યુવા, અનુભવી તથા મહિલા ઉદ્યોગકારો ઉપસ્થિત રહ્યા હતા.
માન.મુખ્યમંત્રીશ્રી ભૂપેન્દ્રભાઇ પટેલ આજરોજ તારીખ ૧લી ઓકટોબરના રોજ કચ્છની મુલાકાતે છે. ત્યારે મુખ્યમંત્રીશ્રીના વરદ હસ્તે તથા કેન્દ્રિય જલ શક્તિ મંત્રીશ્રી ગજેન્દ્રસિંહ શેખાવતની પ્રેરક ઉપસ્થિતમાં અંજાર સ્થિત વેલ્સપન કંપનીના ૨૯૦ કરોડના ખર્ચે નિર્મિત સ્ટેટ ઓફ ધ આર્ટ – સ્ટીલ પ્લાન્ટનું ઉદઘાટન કરવામાં આવ્યું હતું.આ પ્રસંગે મુખ્યમત્રીશ્રી ભૂપેન્દ્રભાઇ પટેલે જણાવ્યું હતું કે, આ ડિજીટલ યુગમાં ભારતનું યોગદાન મહત્વનું છે. વડાપ્રધાનશ્રી નરેન્દ્રભાઈ મોદીના નેતૃત્વમાં ભારત વિકાસના માર્ગે ગ્રોથ એન્જિન બન્યું છે. કચ્છના વિકાસમાં સહભાગી બનેલું વેલસ્પન ગૃપ વિકાસના પંથે આગળ વધી રહ્યું છે.વધુમાં જણાવ્યું હતું કે, ભૂકંપ બાદ કચ્છમાં થયેલ ઓદ્યોગિકરણ થકી સામાન્ય માણસ મુખ્ય પ્રવાહમાં આવ્યો છે. જેમાં વેલસ્પન ગૃપે પણ મહત્વનું યોગદાન આપ્યું છે.આ પ્રસંગે કેન્દ્રિય જલ શક્તિ મંત્રીશ્રી ગજેન્દ્રસિંહ શેખાવતે જણાવ્યું હતું કે, હું કચ્છની ઐતિહાસિક ધરતી પર ઔદ્યોગિક ક્રાંતિના દર્શન કરવા આવ્યો છું. પ્રકૃતિની માર પછી કચ્છની કાયાપલટ કરવાનું જે સ્વપ્ન હતું તે ખરેખર સાર્થક બન્યું છે. કચ્છ આજે ઊર્જાના નિર્માણ માટે સમગ્ર વિશ્વ માટે એ.પી.સેન્ટર બની રહ્યું છે.વધુમાં તેમણે જણાવ્યું હતું કે, ઔદ્યોગિક ક્ષેત્રે આવનારી સદી હવે ભારતની હશે. વિશ્વના અન્ય દેશ હવે ભારતમાંથી પ્રેરણા લઈ રહ્યા છે. ઉપરાંત તેમને જણાવ્યું હતું કે, પીવાના પાણી માટે છેવાડાના વિસ્તારોને યાતના માંથી વડાપ્રધાનશ્રી નરેન્દ્રભાઇ મોદીએ છોડાવ્યા છે.આ તકે મુખ્યમંત્રીશ્રીએ વેલસ્પન ટેકસ્ટાઈલ પ્લાન્ટ સહિત વિવિધ પ્લાન્ટની મુલાકાત લીધી હતી. આ તકે, વેલસ્પન ગૃપના ચેરમનેશ્રી બાલકિશન ગોયંકા, મેનેજિંગ ડિરેકટરશ્રી રાજેશ મંડાલેવાલા તથા રાહુલ યેનુનકર સહિતનાઓએ મુખ્યમંત્રીશ્રીનું ઉષ્માભેર સ્વાગત કર્યું હતું.આ પ્રસંગે મુખ્યમંત્રીશ્રીની સાથે વિધાનસભા અધ્યક્ષાશ્રી ડો.નીમાબેન આચાર્ય, સાંસદશ્રી વિનોદભાઇ ચાવડા, પૂર્વ મંત્રી તથા અંજાર ધારાસભ્યશ્રી વાસણભાઇ આહીર, કચ્છ જિલ્લા ભાજપ પ્રમુખશ્રી કેશુભાઇ પટેલ વગેરે જોડાયા હતા.
