હવે મુંદરામાં માટીચોરો ચડયા ઝપ્ટે : દોઢ કરોડથી વધુનો મુદામાલ ઝપ્ત : શ્રી પટેલની લાલઆંખ..!
પૂર્વ કચ્છ ખાણખનિજ અધિકારીની ધોંષ બોલાવતી કાર્યવાહી થયાવત
વિલમાર કંપની બાજુના ભાગમાંથી સરપ્રાઇજ ચેકીંગ દરમ્યાન એક હીટાચી મશની, બે ડમ્પર સાથે ૧.પપ કરોડનો મુદામાલ ઝડપી મુંદરા પોલીસને સોંપાયો : ખનીજચોર તત્વોમાં ફેલાયો ગભરાટ
ગાંધીધામ : પૂર્વ કચ્છના ખાણખનિજ અધિકારી તરીકે ચાર્જ સંભાળ્યાની સાથે જ એનએ પટેલ દ્વારા વિવિધ વિસ્તારોમાં ચાલતી ખનીજચોરી પર સતત અને અવિરત ધાક બેસાડતી કાર્યવાહી કરવામા આવી રહી છે. હજુ તો સામખીયાળી-સુરજબારી સહિતના પટ્ટામાં તેઓએ ખનીજચોરોને પકડયાની ઘટનાઓ સમી નથી ત્યા ફરીથી મુંદરા વિસ્તારમાં માટીચોરી કરનારાઓને શ્રી પટેલની ટીમ દ્વારા નશ્યત કરવામા આવ્યા હોવાના અહેવાલો સામે આવવા પામી રહ્યા છે. આ બાબતે મળતી માહીતી અનુસાર ભુસ્તરશાસ્ત્રી શ્રી એન.એ.પટેલની સુચનાથી અંજાર પૂર્વ કચ્છની તપાસ ટીમના કર્મચારીઓ દ્વારા તા. ૩ મેના રોજ વિલમાર કંપની બાજુમાં તા. મુંદરા ખાતે આકસ્મિક ચેકીંગ દરમ્યાન કુલ ચાર વાહનો-મશીનરી ક્રમશ ૧. હ્યુંડાઈ કંપનીનું એકસવેટર મશીન ડમ્પર બે જે ૧૬ ડબલ્યુ ૮૧૭૩(આશરે ર૦ મેટ્રીક ટન), જી જે ૧ર એ ઝૈડ ૭પ૦ર(ખાલી) જી જે ૧ર એ વાય ૯૩ર૮ ખાલીને ગેરાયદેસર સાદી માટી ખનિજ ખનન/વહન અન્વયે અટકાવેલ હતા. અને કુલ્લ ૧પપ લાખનો મુદામાલ સીઝ કરી મુંદરા પોલીસ સ્ટેશન ખાતે કસ્ટડીમાં રાખવામાં આવેલ છે. આ તપાસ અન્વયે આગળની નિયમોનુસાર કાર્યવાહીપૂર્વ કચ્છ ખાણખનિજ વિભાગ દ્વારા હાથ ધરવામા આવી છે. શ્રી પટેલ અને તેમની ટીમ દ્વારા જિલ્લાવ્યાપી પૂર્વ કચ્છ વિસ્તારમાં એક પછી એક સતત ખનીજચોરો-માટીચોરી-રેતી ચોરી કરનારાઓની સામે લાલઆંખ કરતી કાર્યવાહી સતત ચાલુ રખાઈ રહી હોવાથી માટીચોરો અને ખનીજતસ્કરોમાં સોપો પડી જવા પામ્યો હોવાનો વર્તારો જોવાઈ રહ્યો છે.
Comments