કચ્છ ઉદય

મુંદરાના હવાલા રેકેટમાં વધુ એક કસ્ટમ અધિકારી સાણસામાં

03 April , Thursday

૪૯ જેટલી ડમી કંપનીઓ બનાવી અને હવાલાને અંજામ આપ્યાના કિસ્સામાં અમદાવાદ ડીઆરઆઈએ પ્રથમ ત્રણ શખ્સોને દબોચ્યા, તે બાદ મુંદરાના એક એસપી કક્ષાના અધિકારીને સસ્પેન્ડ કર્યા પછીની વધુ એક હલચલ : જો કે, મુંદરા કસ્ટમનું સત્તાવાર સમર્થન હજુ નહી

ગાંધીધામ :દેશના મહાબંદર પૈકીના એક એવા મુંદરામાંથી થોડા સમય પહેલા કરોડોના હવાલા કૌભાંડનો પર્દાફાશ થવા પામ્યો હત. આ કેસમાં અમદાવાદ ડીઆરઆઈ દ્વારા ત્રણ શખ્સોની ધરપકડ કરી અને આગળની કાર્યવાહી હાથ ધરી હતી અને તે બાદ મુંદરા કસ્ટમના એક એસપી સુરેશ ઠાકુરનો તેમાં ભોગ પણ લેવાઈ ગયો હતો. તેઓને આ કેસમાં સસ્પેન્ડ કરી દેવામા આવ્યા હતા. ર૦ હજાર કરોડથી વધુનુ હવાલા રેકેટ થયુ હોવાનુ ખુલે તો તેમાં એક માત્ર એસપીની થોડી ભુમિકા હોઈ શકે? અવા સવાલો આ પ્લેટફોર્મથી જ ઉઠાવવામા આવ્યા હતા. અને હવે આ કેસમાં મુંદરા કસ્ટમના કોઈ વધુ એક અધિકારીને એજન્સીએ છાનબીન માટે સાણસામાં લીધા હોવાની ચર્ચાઓ આજે વેગ પકડયો છે. જો કે, આ બાબતે મુંદરા કસ્ટમ તરફથી હજુ સુધી કોઈ સત્તાવાર સમર્થન મળવા પામ્યુ નથી.