કાશ્મીરમાં ત્રણ ગ્રેનેડ હુમલા

(એજન્સી દ્વારા)
જમ્મુઃ આતંકવાદીઓએ કાશ્મીરમાં ૨૪ કલાકમાં ત્રણ ગ્રેનેડ હુમલા કર્યા હતા તે પૈકી બે હુમલા રાજધાની શ્રીનગરમાં કર્યા હતા જ્યાં સુરક્ષા વ્યવસ્થા બાબતમાં મોટા દાવા કરાયા હતા. દક્ષિણ કાશ્મીરના શોપિયામાં ગ્રેનેડ હુમલા થયા હતા. જાનહાનિના કોઈ અહેવાલ નથી. શ્રીનગરના ઘંટાઘર ચોક ખાતે પણ હુમલા થયાના સમાચાર છે. પોલીસે તપાસ કામગીરી શરૂ કરી છે. જાણકારોના જણાવ્યા પ્રમાણે વેપાર હબ લાલચોકના ઘંટાઘર નજીક સીઆરપીએફની ટીમ પર એક ગ્રેનેડ હુમલો થયો હતો. અમુક વાહનોને નુકસાન થયું હતું. જોકે, જાનહાનિ થઈ નથી, એમ
પોલીસ અધિકારીઓએ જણાવ્યું હતું.વિસ્ફોટથી આસપાસની દુકાનોને મામૂલી નુકસાન થયું હતું. કાશ્મીર પોલીસે કુપવાડામાં નાકાબંધી દરમિયાન ચેકિંગ શરૂ કર્યું હતું, જેમાં શંકાસ્પદ યુવકને પકડતા જાણવા મળ્યું હતું કે તે આતંકી બનવા જઈ રહ્યો હતો. તેની પાસેથી એક ગ્રેનેડ સહિત આપત્તિજનક સામગ્રી મળી આવી હતી. કુપવાડા પોલીસે કહ્યું હતું કે આરોપી અસલમ બેગની પ્રાથમિક પૂછપરછમાં જાણવા મળ્યું હતું કે તે આતંકી બનવા નીકળ્યો હતો. કુપવાડામાં હુમલો કરવાની યોજના હતી.

ભારતીય નેવીને ત્રણ નવા એર સ્કવોડ્રન સ્થાપિત કરવાની ભારતની સરકારની મંજૂરી

(એજન્સી દ્વારા) નવી દિલ્હી : ભારતીય નેવીને ગુજરાત અને તમિલનાડુમાં ત્રણ નવા નેવલ એર સ્કવોડ્રન સ્થાપિત કરવાની ભારત સરકારે મંજૂરી આપી દીધી છે. નેવીના પ્રવક્તા કેપ્ટન ડી.કે.શર્માએ જાણકારી આપતા જણાવ્યું કે કેન્દ્ર સરકારે આ ઉપરાંત કેરળ અને અંદમાનમાં હયાત ડાર્નિયર સર્વેલાન્સ સ્કવોડ્રન માટે વધારાનો સ્ટાફ નિમણૂંક કરવાને પણ મંજૂરી આપી દીધી છે.પ્રવક્તાએ જણાવ્યું કે હિન્દુસ્તાન એરોનોટિક્સ લિમીટેડની સાથે ૧૨ ડોર્નિયર વિમાન સપ્લાઇ કરવાનો ૨૯ ડિસેમ્બર, ૨૦૧૬ના રોજ સોદો કર્યો હતો. જેની ડિલવરી જાન્યુઆરી, ૨૦૧૯થી થવાની હતી. હિન્દુસ્તાન એરોનોટિક્સ લિમીટેડને સ્વદેશી નિર્મિત ડોર્નિયર-૨૨૮ વિમાન સપ્લાઇ કરવા માટે આ મોટો કરાર અપાયો હતો. આ વિમાન દ્વારા સમુદ્રમાં દરેક પ્રકારની હલચલ પર નજર રાખી શકાશે. તેમજ સમુદ્રમાં ઉત્પન્ન થનારા ખતરાનો મુકાબલો કરી શકાશે. નવી સ્કવોડ્રનના કારણે ભારતીય નેવી સાત હજાર કિલોમીટરના લાંબા સમુદ્ર કિનારા પર નજર રાખવાની ક્ષમતામાં ભારે વૃદ્ધિ થશે.

૨૦૧૯માં સીમા પર પાક. તરફથી બમણા હુમલા થયા

(પ્રતિનિધિ દ્વારા) નવી દિલ્હી : પાક. સાથે જોડાયેલી ભારતની સીમા પર અને કાશ્મીરમાં અંકુશરેખા નજીક પાકિસ્તાન દ્વારા યુધ્ધ વિરામના ઉંંઘનમાં પાછલા વર્ષે ગંભીર વધારો કરવામાં આવ્યો છે અને લગભગ આ હરકતો બમણી કરી નાખી છે. છેલ્લા ૧૦ વર્ષમાં ૨૦૧૮નું વર્ષ સીમા પર ભયંકર રહ્યું છે અને પાકિસ્તાને સેંકડો વખત યુધ્ધ વિરામનો ઉંંઘન કરીને ગોળીબાર અને તોપમારા કર્યા છે અને તેની સંખ્યા ૨૦૧૮મા બમણી કરી નાખી હતી.આ અંગે તૈયાર કરવામાં આવેલા એક
રિપોર્ટમાં આ બધો ખુલાસો થયો છે અને ગયા વર્ષે કુલ ૨૧૪૦ વખત પાકિસ્તાની દળોએ યુધ્ધવિરામનું ઉંંઘન કર્યું હતું. સલામતી અને મિલિટ્રી તંત્ર દ્વારા આ ડેટા તૈયાર કરવામાં આવ્યો છે અને તેમાં આંકડાકિય માહિતી પુરી પાડવામાં આવી છે.
પાકિસ્તાની દળોએ કરેલા ગોળીબાર અને તોપમારામાં ઘણાબધા નાગરિકોના પણ
મૃત્યુ થયા છે અને અનેક જવાનો પણ શહીદ થયા છે, ઘણા બધા જવાનો ઘાયલ પણ થયા છે. જો કે તેની સામે ભારતીય દળોએ પણ પાકિસ્તાની સૈનિકોને ઠાર કરવામાં ઘણીવાર સફળતાઓ મેળવી છે અને અંદર સુધી જઈને પણ સર્જિકલ સ્ટ્રાઈક કરી આવ્યા છે આમ છતાં ૨૦૧૮ના વર્ષમાં પાકિસ્તાની દળોએ ઉશ્કેરણીની સંખ્યા ડબલ કરી નાખી હતી.

તાવ-શરદી માટે ઉપયોગ લેવાતી ૮૦ દવાઓ પર સરકારનો પ્રતિબંધ

(પ્રતિનિધિ દ્વારા) : નવી દિલ્હી : કેન્દ્રીય સ્વાસ્થ્ય મંત્રાલયે પેટના દુખાવા, ઉલટી, બ્લડ પ્રેશર, ઘુંટણનો દુખાવો, શરદી-ઉધરસ સહિતની ૮૦ જેનરિક એફડીસી દવા પર પ્રતિબંધ લગાવી દીધો છે. સીએનબીસી આવાજના સૂત્રો અનુસાર, સ્વાસ્થ્ય મંત્રાલયે ૮૦ નવા જેનરિક એફડીસીએસ પર રોક લગાવી દીધી છે. હવે આ તમામ દવાઓનું નિમાર્ણ અને વેચાણ નહી થઈ શકે. તમને જણાવી દઈએ કે, કેન્દ્રીય સ્વાસ્થ્ય મંત્રાલયની કમિટીએ આ દવાના પ્રયોગને સુરક્ષિત નથી માન્યું. આ દવાઓનો ૯૦૦ કરોડરુપિયાનો બિઝનેસ છે.કેન્દ્રીય સ્વાસ્થ્ય મંત્રાલયે ૮૦ જેનરિક એફડીસી દવાઓ પર પ્રતિબંધ લગાવી દીધો છે. પેટના દુખાવા, ઉલટી, બ્લડ પ્રેશર, ઘુંટણનો દુખાવોવ, શરદી-ઉધરસની દવાઓ આમાં સામેલ છે. ફિક્સ્ડ ડોજ કોમ્બિનેશનવાળી આ દવાઓમાં મોટાભાગની એન્ટિબાયોટિક દવાઓ છે. આ પહેલા સ્વાસ્થ્ય મંત્રાલયે ૩૦૦થી વધારે એફડીસીએસ પર પ્રતિબંધ લગાવ્યો હતો.
જુના લીસ્ટના કારણે અલ્કેમ, માઈક્રોલેબ્સ, અબ્બોટ સિપ્લા, ગ્લેનમાર્ક ઈન્ટાસ ફામાર્‌ ફાઈઝર વોકહાર્ડ અને લુપીન જેવી કંપનીઓની કેટલીએ બ્રાંડ પ્રતિબંધિત થઈ હતી. જુના લીસ્ટમાંથી ૬૦૦૦થી વધારે બ્રાંડ બંધ થઈ હતી.

ઓસ્ટ્રેલિયન ક્રિકેટ બોર્ડે ધોનીને મેન ઓફ ધ સિરીઝના માત્ર ૧૭,૫૦૦ રૂપિયા આપતા ગાવસ્કર ભડક્યા

(પ્રતિનિધિ દ્વારા) મેલબોર્ન : ટેસ્ટ મેચમાં જીત મેળવ્યા બાદ ભારતીય ટીમે વનડેમાં પણ જીત મેળવી છે. જેના કારણે ઓસ્ટ્રેલિયામાં છેલ્લા ૭૦ વર્ષથી જીત માટે તરસી રહેલી ભારતીય ટીમે ઓસ્ટ્રેલિયાના તેના જ ઘરમાં સુપડા સાફ કરી નાખ્યા છે. પોતાના શ્રેષ્ઠ પ્રદર્શન માટે મહેન્દ્ર સિંહ ધોનીને મેન ઓફ ધ સિરીઝ જાહેર કરવામાં આવ્યો હતો. જ્યારે મેચમાં ૬ વિકેટ લેનારા યુજેન્દ્ર ચહલને મેન ઓફ ધ મેચ જાહેર કરવામાં આવ્યો હતો. પણ વાત જ્યારે એર્વોડની આવી ત્યારે ભારતીય ફેન્સ પણ શોક થઈ ગયા હતા.એર્વોડ પર તો ભારતીય ટીમના પૂર્વ કેપ્ટન અને દિગ્ગ્જ ખેલાડી સુનીલ ગાવસ્કર પણ ભડક્યા. ખેલાડીઓને આપવામાં આવેલી પ્રાઈઝ મની પર તેમણે આપતી જતાવી. ઓસ્ટ્રેલિયન ક્રિકેટ બોર્ડે ચહલ અને ધોનીને ૫૦૦-૫૦૦ ડોલર રૂપિયા આપ્યા. એટલે કે ટોટલ ૩૫,૦૦૦ રૂપિયા. ગાવસ્કરે મેચ બાદ ચાલી રહેલી વાતચીતમાં પોતાનો રોષ ઠાલવતા કહ્યું કે, ૫૦૦ ડૉલર શું છે, આ શર્મનાક ઘટના છે. ટીમને શું મળ્યું ? માત્ર એક ટ્રોફી. આયોજકોને બ્રોડકાસ્ટ રાઈટ્‌સથી એટલા રૂપિયા મળે છે પણ ખેલાડીઓને વધારે રૂપિયા શા માટે નથી આપવામાં આવતા ? છેલ્લે તો તેઓ ખેલાડીઓના કારણે જ પૈસા કમાય છે. તમે ટેનિસમાં આપવામાં આવતી પ્રાઈઝ મની જૂઓ. પ્લેયર્સ પૈસા લઈ આવવામાં મુખ્ય ભૂમિકા ભજવે છે એટલે તેમને વધારે પૈસા આપવામાં આવે છે.

અમારા માટે મોદી મુદ્દો નથી : યશવંતસિન્હા

કોલકાતાઃ ટીએમસી અધ્યક્ષ અને પશ્ચિમ બંગાળની મુખ્યમંત્રી મમતા બેનરજી લોકસભા ચૂંટણી પહેલાં વિપક્ષની એકજૂથતા દર્શાવવા માટે કોલકાતામાં મહારેલી કરવાના છે. રેલીમાં કોંગ્રેસ, બસપા, એનસીપી સહિત ૨૦થી વધારે પક્ષને આમંત્રણ મોકલવામાં આવ્યું છે. તેમાંથી ૧૧ વિપક્ષની પાર્ટીના નેતાઓ કોલકાતા પહોંચી ગયા છે. મમતાએ આ રેલીને ભાજપ માટે લોકસભા ચૂંટણી પહેલાની ‘મોતની દસ્તક’ ગણાવી છે. કોંગ્રેસ અધ્યક્ષ રાહુલ ગાંધીએ ચિઠ્ઠી લખીને આ રેલીને સમર્થન આપ્યું છે.વડાપ્રધાન એચડી દૈવગૌડા, એનસીપી શરદ યાદવ અને પ્રફુલ્લ પટેલ, સમાજવાદી પાર્ટીના પ્રમુખ અખિલેશ યાદવ, લોકતાંત્રિકક જનતા દળના નેતા શરદ યાદવ, જેએમએમ પ્રમુખ હેમંત સોરેન, અરુણાચલના પૂર્વ મુખ્યમંત્રી ગેગોંગ અપાંગ, ભાજપ સાંસદ શત્રુઘ્ન સિન્હા, રાષ્ટ્રીય લોક દળના નેતા અજીત સિંહ, ડીએમકે નેતા એમકે સ્ટાલિન અને નેશનલ કોંગ્રેસના નેતા ફારુખ અબ્દુલા કોલકાતા પહોંચી ગયા છે.

કુકમા-રતનાલ વચ્ચે ઈન્ટરનેશનલ એરપોર્ટ સ્થાપવા હિલચાલ

ભુજ- ગાંધીધામ અને મુંદરાને નજીક પડે એ રીતે ચુબડક પાસે આંતરરાષ્ટ્રીય વિમાની મથક સ્થાપવાના પ્રાથમિક વિચારને અપાયો વેગ : સાંસદ વિનોદ ચાવડાએ જમીની હકિકતો તપાસવા રાજ્ય સરકારમાં કરી રજુઆત

 

(બ્યુરો દ્વારા)
ભુજ : મુંબઈ અને વિદેશ સાથે બહોળો સંપર્ક ધરાવતા, ઔદ્યોગીક વિકાસ અને પર્યટનથી ધમધમતા કચ્છને આંતરરાષ્ટ્રીય વિમાની મથક મળે તે માટે લાંબા સમયથી ચાલી રહેલી માંગણીને હવે વેગ મળે એવા સંજોગો સર્જાયા છે.
જિલ્લા મથક ભુજ, ઔદ્યોગીક મથક ગાંધીધામ અને મુંદરાને ઈન્ટરનેશનલ એર કનેક્ટિવીટીનો લાભ મળે તે માટે ત્રણેય શહેરને અનુકુળ એવા વચ્ચેના સ્થળનો પ્રાથમિક અભ્યાસ હાથ ધરાયો છે. તદ્‌ાનુસાર કુકમા, રતનાલ અને ચુબડક વચ્ચે સુચિત આંતરરાષ્ટ્રીય વિમાની મથક સ્થપાય તે દિશામાં હિલચાલ હાથ ધરાઈ છે. કચ્છ- મોરબીના સાંસદ વિનોદભાઈ ચાવડાએ આ અંગે રાજ્યના કેબિનેટ મંત્રી સૌરભભાઈ પટેલ સહિત સબંધિતોને જમીની હકિકતો તપાસવા રજૂઆત કરી છે. ભુજ અને અંજાર તાલુકાને જોડતા આ વિસ્તારમાં ઈન્ટરનેશનલ એરપોર્ટ સ્થાપવાનો રાજ્ય સરકાર નિતીવિષયક નિર્ણય લે અને જમીન ફાળવવા સહિતના મુદ્દાઓની વિચારણા હાથ ધરે તે પછી કેન્દ્ર સરકાર સ્તરે આગળની પ્ર્‌રિયા હાથ ધરી શકાય તેવું શ્રી ચાવડાએ જણાવ્યું હતું. ભુજનું વિમાની મથક એરફોર્સને સલગ્ન છે. બીજી બાજુ કંડલાનું વિમાની મથક એરપોર્ટ ઓથોરીટી ઓફ ઈન્ડિયાની માલિકીનું છે. મુંદરાનું વિમાની મથક ખાનગી માલિકીનું છે તથા કાર્ગોની હેરફેર સિવાય તેનો ઉતારૂઓની સેવા માટે ઉપયોગ શરૂ થયો નથી. જો કેન્દ્ર સરકાર કંડલા એરપોર્ટની જમીન વહેંચી કાઢે ઉપરાંત અન્ય નાણાકિય જોગવાઈ કરી આપે તો કચ્છના ત્રણ મહત્વના શહેરોને સાકણતું ઈન્ટરનેશનલ એરપોર્ટ કંડલા અને રતનાલ વચ્ચે સાકાર થઈ શકે તેવું જાણકાર સુત્રોએ કહ્યું હતું.

કલેક્ટરે ગઢશીશાની મુલાકાત લીધી

વિકાસના કામો, દુષ્કાળ પરિસ્થિતિ વગેરેની માહિતી મેળવી

 

માંડવી : તાલુકાના ગઢશીશા ગામે કચ્છ કલેક્ટર રેમ્યા મોહન એ પ્રથમ વખત ગામની અચાનક મુલાકાત લીધી હતી. તેમનું સરપંચ ભાઈલાલ માધવજી છાભૈયાએ સાલ ઓઢાડીને સન્માન કર્યું હતું. વથાણ ચોકની મુલાકાત લઈ ગામમાં થઈ રહેલા વિકાસના કામોની વિગતો જાણી અને સરપંચની કામગીરીને પણ બિરદાવી હતી. ત્યારબાદ ગૌશાળાની મુલાકાત લઈ કચ્છનું પશુધન દુષ્કાળના ઓથ નીચે જીવી રહ્યું છે ત્યારે ગામની ગૌશાળામાં ૧૩૬પ પશુઓને કાયમી નીભાવ કરવામાં આવે છે. જેના માટે પાણી, ઘાસ, નાના- મોટા પશુઓને જુદા જુદા સેડમાં રાખવા અને બિમાર પડે તો તેની સારવાર વગેરેની માહિતી સંચાલક વલ્લભજીભાઈ શાહ, ટ્રસ્ટી નવિન પ્રેમજી દેઢિયા પાસેથી જાણીને ખુશી વ્યક્ત કરી હતી.કલેક્ટરને ગૌશાળા પશુઓને અપાતુ પાણી વિશે સવાલ કરતા સરપંચે જણાવ્યું કે ગૌશાળામાં ર૪ કલાક પાણી ગ્રામ પંચાયત હસ્તકની યોજનામાંથી પુરૂ પાડવામા આવે છે. તેમજ પશુઓને અપાતુ ઘાસ કયાંથી મંગાવવામાં આવે છે. જેના જવાબમાં ટ્રસ્ટીએ કહ્યું કે પંજાબથી ઘાસડી મંગાવવામા આવે છે અને લીલોચારો, મકાઈ, જુગાર, આજુબાજુના ગામડાઓમાંથી દાતાઓ તેમજ વેચાતો લેવામાં આવે છે. જે વ્યવસ્થાની નોંધ લીધી હતી.કલેક્ટરને ગઢશીશા પોલીસ સ્ટેશનના મુલાકાત લઈ ઈન્ચાર્જ પી.આઈ. પી.કે. ગઢવી પાસેથી જરૂરી માહિતી મેળવી હતી. આપવામાં કલેક્ટરને સાથે પ્રાંત અધિકારી શ્રી વસ્તાણી, મામલતદાર શ્રી ડાંગ, હરપાલસિંહ, તલાટી દર્શક પટેલ, રેવન્યુ તલાટી વરદાન ગઢવી જોડાયા હતા.

ભચાઉ ચિટીંગનો ભાગેડુ ૧૬ વર્ષે એલસીબીના હાથે દબોચાયો

વિશ્વાસઘાત – ચિટીંગના ગુનાઓ નાસતા ભાગતા ભચાઉના શખ્સને ઝડપી પાડી ભચાઉ પોલીસના હવાલે કર્યો

ગાંધીધામ : પૂર્વ કચ્છ ગુના નિવારણ શાખાએ ૧૬ વર્ષથી નાસતા ફરતા આરોપીને ઝડપી પાડી સ્થાનિક પોલીસના હવાલે કર્યો હતો.પોલીસ સુત્રોના જણાવ્યા અનુસાર રાજયના ડીજીપી શિવાનંદ ઝા દ્વારા સમગ્ર રાજયમાં નાસતા ફરતા આરોપીઓને ઝડપી પાડવા માટે ઝુંબેશ ચલાવાઈ રહી છે. ત્યારે સરહદી કચ્છ જિલ્લામાં પણ રેન્જ આઈજીપી ડી.બી. વાઘેલા અને પુર્વ કચ્છ એસપી પરીક્ષીતા રાઠોડના માર્ગદર્શન હેઠળ નાસતા ફરતા આરોપીઓને ઝડપી પાડવા કવાયત હાથ ધરી છે. ભાગેડુ આરોપીઓને પકડી પાડવા પૂર્વ કચ્છ ગુના નિવારણ શાખાની ટીમ પેટ્રોલીંગમાં હતી ત્યારે પુર્વ બાતમી આધારે અંબાવી ભીમા પટેલ ઉ.વ. પ૭ રહે. મુળ ભટ્ટ પાળીયા ભચાઉ હાલે શેરી નંબર ૪ હાઈવે પ્લોટ વોંધ તા.ભચાઉ ને પકડી પાડયો હતો આરોપી સામે ભચાઉ પોલીસ મથકેે આઈપીસી કલમ ૪૦૬, ૪૦૯ હેઠળ વર્ષ ર૦૦૩ માં ગુનો નોંધાયો હતો. અને ત્યારથી નાસતો ફરતો હતો તેને પકડી પાડી ભચાઉ પોલીસને સોંપ્યો હતો.