Author: kutch kutch

ટેકનીકલ કારણોસર ઉપરાષ્ટ્રપતિએ પ્રસ્તાવ કર્યો અમાન્ય

ચીફ જસ્ટીશ પરના તમામ આરોપો ફગાવી દેવાયા : પુરાવાનો અભાવ હોવાથી આરોપોને ગણાવાયા નિરાધાર : નિર્ણયને સુપ્રીમમાં પડકારી શકે છે કોંગ્રેસ

નવી દિલ્હી : દેશના ચીફ જસ્ટીશ ઓફ ઈન્ડીયા દીપક મિશ્રાની સામે કોંગ્રેસ સહિતના વિવિધ રાજકીયપક્ષો દ્વારા રજુ કરવામા અવેલા મહાભિયોગ પ્રસ્તાવને આજ રોજ ઉપરાષ્ટ્રપતીએ ફગાવી દીધો હોવાના અહેવાલો સામે આવવા પામી રહ્યા છે.
આ બાબતે જાણવા મળતી વધુ વિગતો અનુસાર કોંગ્રેસ સહીત અન્ય સાત જેટલી વિવિધ રાજકીયપાર્ટીઓ દ્વારા દેશની સર્વોચ્ચ અદાલતના સીજેઆઈની સામે મહાભિયોગ પ્રસ્તાવ પેશ કર્યો હતો.આજ રોજ ઉપરાષ્ટ્રપતી દ્વારા આ મહાભિયોગ પ્રસ્તાવને રદ કરવામા આવ્યો છે.
ટેકનીકલ કારણોસર આજ રોજ આ મહાભિયોગ પ્રસ્તાવ રદ કરાયો છે. જેમાં કોંગ્રેસ સહીત સાત પૂર્વ સાંસદોએ પણ સહી કરતા પ્રસ્તાવ ફગાવાયો છે.નોધનીય છે કે, અવિશ્વાસ પ્રસ્તાવની રજુઆતમાં કોંગ્રેસ સહીતની પાર્ટીઓએ કહ્યુ હતુ કે, જયા સુધી મુખ્ય ન્યાયાધીશ પોતાની સામેના હોદાના દુરપયોગના આરોપમાથી બહાર ન આવે ત્યા સુધી તેમણે ન્યાયીક અને વહીવટી કાર્યોથી અળગા રહેવુ જોઈએ તેવી માગો કરી હતી. જેને આજ ઉપરાષ્ટ્રપતીએ ફગાવી દીધો હોવાનુ માલુમ પડી રહ્યુ છે.રાજયસભાના ચેરમેન વૈકેયાનાયડુએ વિપક્ષના મહાયિોગનો પ્રસ્તાવ ફગાવ્યો છે. કોંગ્રેસ સહિત અન્ય સાત વિપક્ષી પાર્ટીએ ઉપરાષ્ટ્રપતી નાયડુને સુપ્રીમકોર્ટના ચીફ જસ્ટીશ દીપક મિશ્રા વિરૂદ્ધ મહાભિયોગનો પ્રસ્તાવ રજુ કર્યો હતો. કાયદાકીય નિષ્ણાતોની સલાહ બાદ ઉપરાષ્ટ્રપતી વૈકેયા નાયડુએ મહત્વનો નિર્ણય લીધો છે. વૈકેયા નાયડુએ મહાભીયોગ અંગે એટોર્ની જનરલ કે.કે. વેણુગોપાલ, કાયદાકીય નિષ્ણાંત સુભાષ કશ્યપ અને પૂર્વ કાયદા સચીવ પી.કે.મલ્હોત્રા સહિતના નિષ્ણાંતો સાથે વિચારવિમર્શ કર્યા હતા.

શ્રીનગર : જમ્મુ કાશ્મીરના પૂૃર્વ મુખ્યપ્રધાન ઉમર અબ્દુલ્લાનો કાશ્મીર પ્રેમ વધુ એક વખત છત્તો થવા પામ્યો હોવાના અહેવાલો સામે આવવા પામી રહ્યા છે. આ બાબતે જાણવા મળતી વધુ વિગતો અનુસાર તેઓએ એક નિવેદનમાં જણાવ્યુ છે કે, કાશ્મીરનો વાટાઘાટોથી ઉકેલ લાવવાની અનેકવીધ તકો બન્ને દેશોએ ગુમાવી દીધી છે. બંદુકથી કાશ્મીર વિવાદનો ઉકેલ નહી આવે. આ માટે વાટાઘાટો કરીને જ સમસ્યા ઉકેલી શકાય તેમ છે.

ચેન્નાઇ : લોકસભાની ચૂંટણી પહેલા ભાજપ અને અન્નાદ્રમુક વચ્ચેના સંબંધ દિન પ્રતિદિન વધુને વધુ મજબુત બની રહ્યા છે. અન્નાદ્રમુકે ભાજપની સાથે હાથ મિલાવવા માટેના સંકેત પણ આપી દીધા છે. અન્નાદ્રમુકે કહ્યુ છે કે તેમની વચ્ચેના સંબંધ કોઇ પણ તાકાત ખરાબ કરી શકે તેમ નથી. વિપક્ષી દળો બિન ભાજપ મોરચાની રચના કરવામાં લાગેલા છે અને એનડીએના કેટલાક ઘટક પક્ષો ભાજપને આંખ દેખાડી રહ્યા છે ત્યારે અન્નાદ્રમુકનુ આ નિવેદન વડાપ્રધાન નરેન્દ્ર મોદી અને ભાજપ પ્રમુખ અમિત શાહ માટે ખુબ મોટી રાહત તરીકે છે. તમિળનાડુમાં કાવેરી જળ વિવાદને લઇને મુખ્ય વિરોધ પક્ષ ડીએમકેના નેતૃત્વમાં રાજ્યભરમાં ચાલી રહેલા વિરોધ પ્રદર્શન વચ્ચે અન્નાદ્રમુકે રવિવારના દિવસે કહ્યુ હતુ કે વિરોધ પ્રદર્શન કેટલી પણ હદ સુધી થાય પરંતુ ભાજપ અને અન્નાદ્રમુક એક સાથે જ રહેશે. તેમની વચ્ચે મતભેદો ક્યારેય ઉભા થઇ શકે તેમ નથી. અન્નાદ્રમુકના મુખ પત્ર નામાદુ પુરાચી થલેવી અમ્મામાં લખવામાં આવ્યુ છે કે કેન્દ્ર અને રાજ્ય સરકારના મજબુત સંબંધને પણ કોઇ અસર કરી શકે તેમ નથી. અન્નાદ્રમુકના લોકોનુ કહેવુ છે કે કાવેરી મુદ્દા પણ ડીએમકે અને તેના સાથી પક્ષો દ્વારા કરવામાં આવેલી રહેલા વિરોધનો મુખ્ય ઉદ્ધેશ્ય ભાજપ અને તેની વચ્ચે રહેલા સારા સંબંધને ખરાબ કરવાનો છે. બન્ને પાર્ટી સાથી મળીને કામ કરવા માટે ઇચ્છુક દેખાઇ રહી છે. મુખપત્રમાં આગળ લખવામાં આવ્યુ છે કે બન્ને પાર્ટીના હાઇ કમાન્ડ દ્વારા સાથે મળીને રોડમેપ તૈયાર કરવામાં આવે તે જરૂરી છે. તે સમયની પણ માંગ છે. કાવેરી મુદ્દાનો ઉલ્લેખ કરતા પત્રમાં કહેવામાં આવ્યુ છે કે અન્નાદ્રમુક અને ભાજપના નેતૃત્વમાં રાજ્ય અને કેન્દ્ર સરકાર સંપૂર્ણ જવાબદારી સાથે કામ કરી રહી છે. આ મુદ્દાના અંતિમ સમાધાનની દિશામાં સરકાર વધી રહી છે. અન્નાદ્રમુકે એમ પણ કહ્યુ છે કે ડીએમકેના વિરોધ પ્રદર્શનને લોકોનુ સમર્થન મળી રહ્યુ નથી. આવી સ્થિતીમાં તેમના દેખાવ બિનજરૂરી છે.

નવી દીલ્હી : દેશના સરંક્ષણ પ્રધાન નિર્મલા સીતારામન ત્રણ દીવસ માટે ચીનના પ્રવાસે પ્રસ્થાન કર્યુ છે તેઓ આગામી રપમી સુધી ચીનમાં રોકાશે અને બન્ને દેશો વચ્ચે મહત્વપૂર્ણ એવા સીમાવિવાદ સહિતના દ્વપક્ષીય સંબધો મુદે ચર્ચા પરામર્શ થશે.