ભારતની હિમા દાસે રચ્યો ઇતિહાસ

ટ્રેક ઇવેન્ટમાં ગોલ્ડ મેડલ જીતનાર પ્રથમ ભારતીય મહિલા બની

નવીદિલ્હી : ભારતની એથલિટ હિમા દાસે ગુરૂવારે ફિનલેન્ડના ટેમ્પેયર શહેરમાં આઇએએએફ વિશ્વ અંડર-૨૦ એથલેટિક્સ ચેમ્પિયનશીપમાં ૪૦૦ મીટર દોડમાં ગોલ્ડ મેડલ જીતી ઇતિહાસ રચી દીધો છે. હિમા વિશ્વ ચેમ્પિયનશિપમાં કોઇપણ સ્તર પર ગોલ્ડ મેડલ જીતનાર પ્રથમ ભારતીય મહિલા એથ્લિટ બની છે.
એટલું જ નહીં વિશ્વ ચેમ્પિયનશિપની ટ્રેક સ્પર્ધામાં પીલા તમગા જીતનાર પ્રથમ ભારતીય (મહિલા અથવા પુરૂષ) એથલિટ બની ગઇ છે. ૧૮ વર્ષીય હિમાએ ફાઇનલમાં ૫૧.૪૬ સેકન્ડમાં પહોંચી પહેલુ સ્થાન પ્રાપ્ત કર્યું છે. જો કે હિમાના વ્યકિત સર્વશ્રેષ્ઠ (૫૧.૧૩ સેકન્ડ) પ્રદર્શન નથી, જેને ગત મહીને ગુવાહાટીમાં યોજાનાર રાષ્ટ્રીય ઇન્ટર સ્ટેટ ચેમ્પિયનશીપમાં બનાવ્યો છે.
આ સાથે જ તેમણે પોતાને સ્ટાર જેવલિન થ્રોઅર નીરજ ચોપડાના કલબમાં સામેલ કરી દીધા છે. નીરજે પોલેન્ડમાં ૨૦૧૬માં વિશ્વ રેકોર્ડ સાથે ગોલ્ડ મેડલ જીત્યો હતો. હિમાએ સેમીફાઇનલમાં પણ ૫૨.૧૦ સેકન્ડ સમય સાથે પ્રથમ રહી હતી.
ભારતની હિમા દાસે ગુરૂવારે ફિનલેન્ડમાં યોજાયેલી આઇએએફ વર્લ્ડ અંડર-૨૦ ચેમ્પિયનશીપની મહિલાઓની ૪૦૦ મીટર સ્પર્ધામાં ગોલ્ડ મેડલ જીતી ઇતિહાસ રચી દીધો છે.