બિગ બીએ કેબીસી ૧૩નો પહેલો પ્રોમો શેર કર્યો, કહ્યું- ’કમિંગ બેક .. કેબીસી પર …’

(જી.એન.એસ)મુંબઈ,બોલિવૂડ ઈન્ડસ્ટ્રીઝમાં અમિતાભ બચ્ચન એટલે એવું નામ કે જે ક્યારેય થાકતા નથી. તેઓ એક સાથે ઘણા પ્રોજેક્ટ પર કામ કરે છે. જેમાં તેઓ ફિલ્મની સાથે, ટીવી અને જાહેરાતના પણ કામ કરે છે. બિગ બી માત્ર ફિલ્મોમાં જ નહીં પરંતુ ટીવીની દુનિયાના સફળ હોસ્ટસમાંથી એક છે. તેમણે પોતાના પોપ્યુલર શો કોન બનેગા કરોડપતિ ગેમ શોથી તે પણ સાબિત કરી દીધું છે. હવે ફરી એક વખત નવી સીઝન સાથે આવી રહ્યા છે બિગ બી. તેમણે હાલમાં તેનો પ્રોમો વિડીયો પણ શેર કર્યો છે.અમિતાભ બચ્ચને ટ્‌વીટર પર એક વિડીયો શેર કર્યો છે. આ વિડીયો કેબીસી ૧૩ નો પ્રથમ પ્રોમો વિડીયો છે. તેમાં એક ગામની વાર્તા કહવામાં આવે છે. ગામની શાળાના સમારકામ માટે ૨૫ લાખ રૂપિયાની જરૂર છે. ગામલોકો ઘણી ચર્ચા કરે છે પરંતુ તેઓ આ રકમ એકત્રિત કરવામાં સમર્થ નથી. આવી સ્થિતિમાં એક દિવસ અમિતાભ બચ્ચન ટીબી પર કેબીસી વિશેની વિગતો શેર કરી રહ્યાં છે. તે જ સમયે લોકો વિચારે છે કે કેબીસી એકમાત્ર રસ્તો છે જ્યાં જ્ઞાનની સહાયથી એક મોટી રકમ મેળવી શકાય છે. બિગ બીએ વિડીયોની સાથે કેપ્શનમાં લખ્યું- ’કમિંગ બેક .. કેબીસી પર …’.ચાહકો પહેલાથી જ કેબીસી ૧૩ને લઈને હંમેશાંની જેમ ખૂબ જ ઉત્સાહિત છે. આ શો ૨૩ ઓગસ્ટથી શરૂ થઈ શકે છે. પરંતુ આ અંગે હજી સુધી કોઈ સત્તાવાર જાહેરાત કરવામાં આવી નથી. લોકડાઉન તબક્કા દરમ્યાન કેબીસી ૧૨ને શૂટ કરવામાં આવ્યું હતું અને આ વખતે પણ પરિસ્થિતિ કંઇક એવી જ છે. પરંતુ આ શોની સૌથી મોટી તાકાત ખુદ અમિતાભ બચ્ચન છે. સ્પર્ધકો સાથેની તેમની ક્રિયાપ્રતિક્રિયા અને હાસ્ય ચાહકોના દિલો જીતે છે.બિગ બી પાસે હાલમાં ઘણા બોલિવૂડ પ્રોજેક્ટ્‌સ પણ છે. તે પહેલેથી જ અયાન મુખર્જીની ફિલ્મ ’બ્રહ્માસ્ત્ર’નો ભાગ છે. આ સિવાય તે ઈમરાન હાશ્મી સાથે ફિલ્મ ’ચેહરે’માં જોવા મળશે. અમિતાભ બચ્ચન ફરી એકવાર અજય દેવગન સાથે સ્ક્રીન શેર કરતા જોવા મળશે. બંનેની જોડી ફિલ્મ ’મેડે’માં જોવા મળશે. આ સિવાય તે ’ઝુંડ’ અને ’ગુડબોય’ જેવી ફિલ્મોનો પણ એક ભાગ છે.