નખત્રાણા તા.પં.ની સામાન્ય સભામાં અંદાજપત્રને બહાલી અપાઈ

શિક્ષણ, આરોગ્યના મુદ્દા ઉઠ્યા : ર૦૧૮ની નવી મેજડાયરી બહાર પડશે : સર્વાંગી વિકાસનો કોલ અપાયો

નખત્રાણા : તાલુકા પંચાયતની સામાન્ય સભામાં વર્ષ ર૦૧૭-૧૮નું સુધારેલ તથા વર્ષ ર૦૧૮-૧૯ના અંદાજપત્રને સર્વાનુમતે બહાલી અપાઈ હતી. સભ્યસચિવ શૈલેશભાઈ રાઠોડે સદસ્યોને આવકારી બેઠકનો એજન્ડા રજૂ કર્યો હતો. હિસાબનીશ કિશોરભાઈ ગોસ્વામીએ વર્ષ ર૦૧૭-૧૮નું સુધારેલ તથા ર૦૧૮-૧૯નું બજેટ રજૂ કર્યું હતું. જેમાં સરકારી સદરની આવક પ૯,૯૭,૦૦,૦૦૦ સામે સદર ખર્ચની આવક પ૧,૮ર,૦૦,૦૦૦ દર્શાવવામાં આવ્યા હતા. એકંદરે ૮ કરોડ, ૧પ લાખ, ૯ર બજાર પુરાંત દર્શાવતા બજેટનું સર્વાનુમતે બહાલી અપાઈ હતી.
તા.પં. પ્રમુખે વર્ષ ર૦૧૮ની મેજ ડાયરી પેશ કરવા તા.પં.એ ચક્રો ગતિમાન કર્યા છે. સ્વભંડોળની વિકાસલક્ષી ગ્રાન્ટ દરેક સભ્યોને ફળાવવા સહિતના મુદ્દાઓ પેશ કર્યા હતા. ઉપરાંત ટીડીઓ શૈલેષભાઈ રાઠોડે વંગ જૂથ ગ્રા.પં.માંથી ઝાલુ, ડાડોરને અલગ કરવા તથા સુખપર (રોહા)માંથી વિજપાસર ગ્રા.પં.ને અલગ કરવા દરખાસ્ત મૂકવામાં આવી હતી. વિરોધ પક્ષના નેતા અશ્વિનભાઈ રૂપારેલે રવાપરની મહિલા કમળાબા રૂપસંગજી જાડેજાની શૌચાલયની રકમ બેંક દ્વારા નથી અપાતી તે પ્રશ્નો તાકીદે નીકાલ કરવા ઉપરાંત શિક્ષણ ક્ષેત્રમાં જે માપદંડ રાખવામાં આવ્યા છે અને ખાનગી શાળાઓમાં શિક્ષણની ખાનગી શિક્ષકોની ભરતીમાં ભેદભાવની નીતિ અપનાવાય છે તે મુદ્દા વિગતવાર રજૂ કર્યા હતા અને શિક્ષણમાં આવકના સ્ત્રોત ઉભા કરવા કાર્યવાહી કરવા જણાવ્યું હતું.
આ સામાન્ય સભામાં તા.પં. ઉપપ્રમુખ જ્યોત્સનાબા જાડેજા, દક્ષાબેન બારૂ, રવિ નામોરી, નયનાબેન પટેલ, ચંદ્રિકાબેન પટેલ, સીતાબેન ડાભી, જયશ્રીબેન વાસાણી, મોહનભાઈ આહીર, મંજુલાબેન ચાવડા, જિ.પં.ના વસંતભાઈ વાઘેલા, કેસરબેન સામંતભાઈ મહેશ્વરી, રાજેશ પલણ, રાજુભા જાડેજા, મોહન ચાવડા, ખેંગાર રબારી, કોંગ્રેસના સભ્યો રાજેશભાઈ આહીર, આદમ લંગાય, રમેશદાન ગઢવી, દમયંતિબેન વસંત પટેલ, વંકાભાઈ રબારી, ઉમરાબેન અરજણભાઈ, લક્ષ્મીબેન રવજીભાઈ આહીર, અમીનાબેન ઓસમાણ સુમરા, પ્રેમજીભાઈ હરીજન, કર્મચારીગણ, જ્યોતિબેન પારેખ, વી.એસ. ગઢવી, સી.આર. વસૌયા, પી.વી. પટેલ, નરેશ ભાનુશાલી, ઈશ્વર ઠાકોર, કે.પી. આહીર, રમેશ ગરવા, કિરીટભાઈ, રાવલભાઈ વિગેરે ઉપસ્થિત રહ્યા હતા. સંચાલન શૈલેષ રાઠોડે તથા આભારવિધિ રવિ નામોરીએ કરીહતી.