કોંગી નેતા હાર્દિક પટેલને મોટી રાહતઃ રાજ્ય બહાર જવા સેશન્સ કોર્ટે લીલીઝંડી આપી

(જી.એન.એસ.)અમદાવાદ,કોંગ્રેસ નેતા હાર્દિક પટેલને મોટી રાહત મળી છે. હાર્દિક પટેલને વર્ષ ૨૦૨૨ની ચૂંટણી પહેલા મોટી રાહત આપવામાં આવી છે. સેશન્સ કોર્ટે હાર્દિક પટેલને ૧ વર્ષ માટે રાજ્યની બહાર જવા માટે લીલી ઝંડી આપી દીધી છે. ૧ વર્ષ માટે રાજ્ય બહાર જવા માટે હાર્દિક પટેલને કોર્ટની પરવાનગી અપાઇ છે.અત્રે ઉલ્લેખનીય છે કે, રાજદ્રોહ કેસમાં હાર્દિક પટેલને રાજ્યની બહાર ન જવાની શરતે કોર્ટે જામીન મંજુર કર્યા હતાં. અગાઉ પણ કોર્ટે રાજ્યની બહાર જવા માટે પરવાનગી આપી હતી. રાજદ્રોહ કેસની સુનાવણીમાં હાર્દિક સહકાર આપશે તેવી હાર્દિકે રજૂઆત કરી હતી.